11:34, 23-03-2022Тений кеҥежым кундемыштына 3 тӱжем утла гектар кумдыкышто пушеҥгым шындышаш улыт

Тений кеҥежым кундемыштына 3 тӱжем утла гектар кумдыкышто пушеҥгым шындышаш улыт. Тидын нерген Пӱртӱс аралтыш министерстве палдара. Икымше ошкыл апрель-майыште лиеш. Тунам «Шарнымаш сад» акций эртаралтеш. 77 гектар кумдыкышто 200 тӱжем утла пушеҥгым шындаш шонат. 77 гектар кумдыкым арам огыл ойырен налме. Тудо Сеҥымашын 77 ияш лӱмгечыжлан пӧлеклалтеш. Тыгай акций-влак чодыра поянлыкым ешарыме амал дене Россий мучко эше ятыр эрташ тӱналыт.