Тений Марий Элыште 6 школым олмыктышаш улыт. Школ туныктымо системым уэмдаш тӱрлӧ йӧным кучылтыт. Тыште «Туныктыш» проектымат палемден кодыде ок лий. Ты программе дене келшышын, кундемыштына школ-влакым чоҥат, тыгак тунемме верым олмыктат, школ оборудований ден техникым уэмдат. Тений Параньга районысо кок школым, Шернур районысо кум школым да Медведево районысо ик школым олмыктышаш улыт. Весымат палемдыман, дизайн-проект-влак тӱрыснек ача-ава-влак дене каҥашымеке ышталтыт. Тидлан лӱмынак ача-ава-влакын штабышт пашам ышта.
Комментариев: 0