Параньга районысо предприятий-влак шке производствыштым кумдаҥдат. Регион вуйлатышын пашажым жаплан шуктышо Юрий Зайцев ты кундемыште лийын. Тудо Элпанур ялыште «Победа» ялозанлык производственный копперативын пашажым аклен. Кызыт озанлыкыште уржа-сорла жап, тачысе кечын пырче лектыш ик гектар гыч 29 центнерышке шуэш.
Регион вуйлатышын пашажым жаплан шуктышо у вӱтам ончен, тыгак уржа-сорла паша дене палыме лийын, комбайнер-влакын паша йӧныштым аклен. Шуко пашаеҥ тыште кужу жап тырша, самырык-влакат кумылын ушнат.
Юрий Зайцев Параньга районышто Мераҥсола - Куянково школышто лийын. Тудым тений «Школ системын модернизацийже» программе дене тӧрлат. Тачысе кече марте окнам вашталтеныт, леведышым уэмденыт, вентиляций системым шотышко конденыт. Юрий Зайцев ача-ава-влакын комитетышт дене мутланен. Нуно школын 50 ияш юбилейжылан пашам шуктымым куан дене вашлиймышт нерген ойленыт. Регион вуйлатышын пашажым жаплан шуктышто школым жапыштыже тӧрлен шукташ кӱштен, вес ийынат республикыште школ-влакым тӧрлаш тӱҥалыт.
Параньга районышто стратегий сессийым эртареныт. Вашлиймаште физкультур да тазалыкым пеҥгыдемдыше комплексым чоҥен пытарымаш, диспансеризаций, «Здоровая республика» проект, Элпанур ялысе тӱвыра пӧртым да сымыктыш школым олмыктымо йодышым нӧлталыныт. Регион вуйлатыше ойырен налме виктыш-влакым сай могыр гыч палемден да эшеат кугу тӱткышым ялозанлыкым вияҥдымашке ойыраш темлен.
Комментариев: 0