Параньга район Илеть селаште шарныктыш обелискым олмыктеныт. Тыште 292 еҥын лӱмжым серыме – нуно чылан Кугу Ачамланде сарыште шке шочмо мландыштым араленыт. Монументым 40 ий ончычак ыштеныт, но жап эртыме семын тудо тоштемын да локтылалтын. Тений обелискым Верысе инициатив программе почеш шотыш конденыт. Ачалымаш паша 800 тӱжем наре теҥгеш шуын. Кугу ужашыжым республикын бюджетше гыч ойырымо, тыгак районысо администраций да верысе калык шке надырыштым пыштеныт. Облеиск воктен кумдыкымат олмыктеныт да сӧрастареныт.
Комментариев: 0