Марий Эл Республикын вуйлатышыже Юрий Зайцевын у кӱштыкшӧ дене кундемыштына исполнительный кучемыште вашталтыш-влак улыт. 26 октябрьыште лукмо у кӱштык почеш, икмыняр министерстве шке лӱмжым вашталтен, икмыняр департамент министерстве дек ушнен. Мутлан, Паша да калык занятость департаментым Социал вияҥмаш министерствыш ушымо, ынде у тӧнеж Паша да социал аралтыш министерстве маналтеш. Тыгак Цифровизаций да кыл шотышто департаментым ынде Цифровой вияҥмаш министерствыш савырыме. Самырык-влакын политикышт, спорт да туризм шотышто министерствым кок ведомствылан пайлыме: иктыже – Спорт да туризм министерстве, весыже – Самырык-влакын политикышт шотышто комитет. У кӱштык почеш ынде Виктер вуйлатышын куд алмаштышыже уло, нунын кокла гыч кокытшо Икымше алмаштыше должностьышто пеҥгыдемдалтыт. Моло вашталтыш нерген виктерын сайтыштыже пален налын кертыда, тушто 172-шо номерын кӱштыкын тӱрыс текстшым савыктыме.
Комментариев: 0