Сенатор Сергей Мартынов Марий Элысе самырык-влакын парламентышт дене вашлийын. Черетан погынымаш Самырык-влакын полатыштышт эртен. Тиде кечылаште парламентыште сайлымаш эрта, тышке кундемна мучко шкем чолган ончыктышо ятыр уста самырык еҥ ушна. 17 еҥым муниципалитет гыч колтат гын, 17 еҥым тыгак политик партий, мер ушем да профсоюз-влак темлат. Ты ушем Кугыжаныш погын пелен пашам ышта да самырык активист-влаклан шкем ончыкташ, шуаралташ да ончыко каяш йӧным муаш полша. Ушештарена, Самырык-влакын полатыштышт кызыт уэмдыме медиа-рӱдер, тыгак волонтёр рӱдер пашам ыштат. Сергей Мартынов самырык активист-влаклан шкем парламентарий пашаште чолган ончыкташ, калыкнан да кундемнан сай ончыкылыкшо верч тыршаш тыланен.
Комментариев: 0