Тений кугу корным веле огыл, каныме верлашке пурымо корнымат олмыктеныт.
Тидын нерген регион вуйлатыше Юрий Зайцев палдарен. «Лесная сказка» ден «Шап» комплекс-влак деке корным тӧрленыт. Нине объект-влакым олмыктымаш школышто тунемше-влакын ача-аваштлан да элгӧргӧ туризмым йӧратыше-влаклан кӱлешан. «Лесная сказка» базе кумдыкышто «Волгенче» йоча да самырык-влакын усталыкыштым да талантыштым пален налме, полшымо да вияҥдыме регионысо рӱдерын санаторийже, йоча лагерьже, кампусшо пашам ыштат. Тазалыкым пеҥгыдемдыме йоча лагерь-влакын пӧлемыштымат шотыш кондат. Тений «Радужный» лагерьыште кочмыверым да медицине пунктым капитально олмыктеныт, «Сосновая роща» лагерьыште писын нӧлтымӧ кок корпусым чоҥеныт. 2027-2028 ийлаште Володя Дубинин лӱмеш тазалыкым пеҥгыдемдыме-туныктымо рӱдерыште, «Лесная сказка» эмлыме-тазаҥдыме комплексыште да «Сосновая роща» тунемме-тренировко базыште инфраструктурым уэмдышаш улыт, палемден Юрий Зайцев.