«Экологий» национальный проект дене «Сохранение уникальных водных объектов федерал проект дене» «Вода России» акций лийын.
С.Чавайн лӱмеш библиотеке книга памятниклан шотлалтше 60 савыктышым цифроватла. Тиде пашам «Культура» национальный проектын «Цифровая культура» проектше дене ыштат.
Пандемийлан кӧра, тоштер-влак пытартыш тылзылаште фонд-влак дене пашам ыштеныт, экспозицийым уэмденыт. Кужу жап дечын вара «Ший пӱан Ший пампалче» («Сереброзубая Пампалче») марий йомак тоштер 14 июль гыч ончышо-влаклан выставке-влакым ончаш темла.
Мемнан республикыште йот эл гыч толшо-влак коронавируслан тергалтшаш улыт. Тидын шотышто Марий Элын Тазалыкаралтыш министерстве улшо приказышке ешартышым пуртен.
Шокшо игечыште чодыра пожар лийын кертме лӱдыкшӧ шукемеш. Республикыште 13 июльлан 20 тулазап лийын. Тул 6 гектар ужар кумдыкым авалтен.
«Экологий» национальный проект дене «Чодыра-влакым аралымаш» регионысо проект дене келшышын республикыште «Авиалесохранын» техникыже да оборудованийже уэмеш.
«Экологий» национальный проектын «Яндар вӱд» проектше дене республикыште 2024 ий марте вӱд пуч-влакым шотышко кондат.
Марий кундем гыч абитурент-влак врачлан целевой направлений дене Киров, Ижевск да Марий кугыжаныш университытыште тунемаш тӱҥалыт. Тазалыкаралтыш министерстве целевой направлений дене 148 ойпидышым ыштен.
«Золотая шайба» россий таҥасымашын регионысо этапыште сеҥыше команде-влакым саламленыт. Коронавируслан кӧра, пуртымо чарымашым шотышко налын, ты марте пӧлекым кучыктен кертын огытыл.
Республикыште ик суткаште коронавирус да тудын лийын кертме лӱдыкшӧ дене 70 еҥым эмлымверлашке пыштеныт, стационарла гыч 67 пациентым колтеныт. Тидын нерген Тазалыкаралтыш министерстве увертара. Тачысе эрлан стационарлаште эмлалтше-влакын чотышт 667 еҥышке шуын. «Стопкоронавирус.рф» сайтын данныйже дене, ик суткаште 28 еҥын тиде вирус пеҥгыдемдалтын, 3 еҥ колен.
