Национальный проект-влакым илышышке пурташ тений республикыште идалыкын икымше пел ийыштыже 80 процент наре контрактым пенгыдемдыме. Тидын нерген Правительствын заседанийыштыже промышленность, экномике вияҥмаш да ужалымаш министр Станислав Крылов увертарен.
Шокшо игече чодыра пожарлан амалым ышта. Кодшо арня мучашлан республикыште чылаже 17 чодыра пожар лийын. Тидын нерген Пӱртӱс ресурс министерстве увертарен.
Кодшо ийын республикыште илымверым, 2018 ий дене таҥастарымаште, 118% шукырак чоҥеныт. Тӱҥ шотышто еҥ-влак шке пӧртым чоҥат.
Таче Йошкар-Олаште Строителей уремысе площадкыште уголовно-исполнительный системын ветеранже-влаклан памятникым почыт. Мемориальный стелым наказанийым шуктышо виктемыште пашам ыштыше да ветеран-влакын надырышт дене ыштеныт.
Республикыште ешым погышо-влакын ийготышт 20 гыч 29 ий марте. Маристат палдара: кодшо ийын республикыште 3550 еш мужыраҥын.
Марий Эл Радион редакторжо Володя Матвеевын ямдылыме «Ӱмыргорно» передаче «Патриот России» российысе конкурсышто сеҥыше-влак радамыште.
Яндар южышто кафе, моторлык салон да фитнес-клуб-влак пашам ышташ тӱҥалыныт. Регион вуйлатыше А.Евстифеев Постановленийым пеҥгыдемден.
3 гыч 7 ияш марте йоча-влаклан социал полышым налаш йодмашым «Госуслуги» портал гоч пуаш лиеш. Тыгодым нимогай справкым погыман огыл. «Госуслуги» портал гыч йодмаш пурымеке, тудым оласе да районысо социал рӱдерышке колтат.
Тений Марий Элыште 70 еш «За любовь и верность» медаль дене палемдалтын. Еш, йӧратымаш да ӱшанле улмо кече вашеш Медведево район гыч Осиповмыт ешым саламленыт.
Красногорский поселкышто искусственный шартышан футбол пасу лиеш. «Демографий» национальный проектын «Спорт-норма жизни» федерал проект дене субсидийым ойыреныт.
