«Красный» лӱман ончер Марий Эл республикысе тӱссымыктыш галлерейыште уэш почылтын. Тиде ончерыште 60 наре сӱретым ужаш лиеш. 

Марий Эл Республиклан федерал бюджет полшымо дене ординатурышто тунемашлан 45 целевой верым ойырымо. Врач-влак  22 специальность дене тунемаш тӱҥалыт. 6 вер акушер-гинеколог, 5 вер терапевт,  онколог, тӱшка практикын врачше, педиатр, 3 вер хирурглан ойыралтын. 

Марий Элыште 837 еҥлан пудий пижын. Тидыже, кодшо ий тыгаяк жап дене таҥастарымаште, 15,5% шагалрак. Йоча-влак декат пудий-влак пижыныт. 

Кызыт санитар правилым шотышко налын, «Дружба» стадионышто теннис корт пашам ышта, Йошкар-Олаште «Юбилейный» спорткомплекс. Нуно 8 шагат эр гыч 9 шагат кас марте пашам ыштат. Тренировкышко толмо дечын ончыч возалташ кӱлеш. 

Марий Элыште тений 5 тылзыште 2 тӱжемат 500 йоча шочын. Нунын гыч 1019 –  Йошкар-Олаште. Тиде данныйым Маристат палдара. 

Самырык специалист-влак республикысе эмлымверлашке пашашке толыт. Шернур рӱдӧ больницышке Николай Александрович Борисов пашашке толын. Тудо тений Киров кугыжаныш медуниверситетым отличий дене пытарен. 

Ик суткаште республикысе инфекционный стационарла гыч 80 пациентым колтеныт, 59 госпитализироватленыт. Тидын нерген Тазалыкаралтыш министерстве палдара. 

Шокшо игечыште ен-влак вӱд воктеке канаш вашкат. Республикыште 21 пляж санитар правиллан келшен толеш. Санитар врач-влак районлаште верланыше 12 пляжым пашам ышташ ямде улмыштым пеҥгыдемденыт. 

11 классым пытарыше-влак республикыште ЕГЭ–м сдатлат. Физике да историй дене 1515 тунемше шинчымашыжым терген. Физике дене 1097 еҥ возен гын, историйым 418 сдатленыт. 

Коронавирус дене черле пациент-влак дене пашам ыштыше специалист-влак республикын ик эн сай здравницыштыже канаш тӱҥалыт. «Сосновый бор» санаторий оперативный штабын темлымашыже дене, пандемий жапыште, кокымшо этапышке куснымаште, каныме базе семын ойыралтын. Республикыште коронавирус дене ситуаций куштылго огыл.