Советский районысо Великополье ялышке канде тул толын. Регион вуйлатыше Юрий Зайцев тудым пайремлын чӱктымаште лийын. Пашам догазификаций программе дене шуктеныт. Пӧрт марте пучым яра шупшыныт. Тыгак Голубой да Солнечный поселкыла, Шуледур яллаште илыше-влак декат канде тул толын. Республикыште газификаций дене паша план дене келшышын шуктелтеш. Тений ойырымо инвестицийлылан кӧра Таир, Уржумка, Какшамарий, Сидельниково селалашке газым пурташлан, объект-влакым ыштышаш улыт. Тыгак У Торъял да Морко районлаште газпучым ыштен шукташ палемдат.
Комментариев: 0