«Профессионалитет» программе регионысо экономикым шуарен колташлан специалист-влакым ямдылаш полша. Колледж да техникумлаште туныктымо план-влак пашам пуышо организаций-влак дене пырля возалтыт. Тиде да моло нерген Йошкар-Олаште эртыше «СПО. Время цифры» лӱман кыдалаш профессионал образованийлан пӧлеклалтше форумышто палемденыт. Тачысе кечын колледж да техникумлаште теорий да практике ужашлан туныктымо шагат вашталтын.  

«Кугу Какшан» заповедникын кугурак шанче пашаеҥже Геннадий Богданов чодыраште да интернетыште шуктымо сомылжо дене палдара.
 

Киндым чапландареныт. Йошкар-Оласе Чарла Кремльыште «Угинде» пайрем гӱжлен. Тудын кышкарыште кундемнан фольклор коллективше-влак пайремын йӱлажым модын ончыктеныт. Калыкым сцене гыч муро да куштымаш дене куандареныт. Угинде пайрем йӱла дене палдарыше площадке гыч мемнан видеоматериалнам ончаш темлена. 

«Шкетан лудмашыш» пагален ӱжыт. Оршанке районысо Кугунур кыдалаш школышто Майоров Шкетанлан пӧлеклалтше лудмаш эше 90-ше ийла гычак эртаралтеш. Кодшо ийын тудо Республик кӱкшытыш лектын. Ты гана республикысе краеведений конференций кокымшо гана эртаралтеш. Тудо Марий драматургийлан тӱҥалтышым пыштыше, мыскараче, прозаик, режиссёр да актёр Майоров Шкетанын 126 ияш шочмо кечыжлан пӧлеклалтеш. Кодшо ийын «Шкетан лудмаш» республикын тӱрлӧ школлаж гыч 100 утла участникым чумырен. Тений тыгак тунемше-влакым пагален вучат. «Шкетан лудмаш» 30 октябрьыште лиеш.

Психологий шанче кандидат Нина Айварова марий йӱла дене келшышын йочам ончымаш нерген. 

Марий Эл кугу погынлан ямдылалтеш. 31 октябрь гыч 2 ноябрь марте Йошкар-Олаште 12-шо Марий калык погын лиеш. 4 ийлан ик гана эртаралтше съезд тений Еш идалыклан пӧлеклалтеш. Йошкар-Олашке Росийын 20 регионжо гыч 430 делегат толшаш. Эркын дене ямдылалтме паша мучашке лишемеш. Умбакыже мутым Эльвира Петрова шуя. 

Тунемше-влаклан - «Патырлык урок». Йочам да самырык тукымым воспитатлымаште таче ветеран да специальный военный операцийын участникше-влак дене вашлиймаш кугу рольым модеш. Владимир Путинын ойлымыж почеш, лачак боец-влак шке примерышт дене самырык тукымын  патриот шӱлышыштым вияҥдат. Тиде амал дене республикысе туныктымо тӧнежлаште «Патырлык урок-влак» эртаралтыт. Ик тыгай вашлиймаш Йошкар-Оласе 32-шо номеран школышто лийын. 

Республикысе вӱр налме станцийыш донор-влакым вучат. Тачысе кечылан тушто икмыняр группо вӱр поснак кӱлешан. Медицин тӧнежыш ончылгоч возалдеат мияш лиеш. 

Угинде пайремым эртарыме радам дене палдараш, киндын кӱлешлыкшым да тудын илыш куатшым ончыкташ. Республикысе Марий тӱвыра рӱдер «Угинде» пайремым эртараш ямдылалтеш. Пайрем шушаш шуматкечын, 12 октябрьыште, Чарла Кремльыште лиеш. Тушко тыгак уна-влак вес регион гычат ушнат.   

У проект илышыш шыҥдаралтеш. Марий Элысе «Йолгорно» йӱдвел коштмаш рӱдер социал грантым сеҥен. Грантын кугытшо - 450 тӱжем теҥге. «Вместе с палками вперед» проект шинча пӱсылык шотышто эмганыше-влаклан виктаралтын. Тиде грант начарын ужшо-влаклан йӱдвел коштмаш дене занятийым эртараш полша.