ВийАрым тылат, кеҥеж сылнымутчо! Лач тыгай девиз дене 18 гыч 20 август марте Волжский районысо Руш Шайра ялыште «Кеҥеж сылнымутчо» литератур семинар эртен. Тений тудо 4-ше гана лийын. Участник-влакым могай программе вучен? Тудо могай темылан пӧлеклалтын? Вашмут-влак черетан материалыште.
Кузе идейым проектыш савыраш да грантым сеҥен налаш? Ты йодыш пытартыш ийлаште моткоч кӱлешан. Чыла тӱрлӧ аланыштат пашам проект гыч тӱҥалман. Книгагудо, тӱвыра алан, сымыктыш школышто тыршыше пашаеҥ-влаклан полыш семын проектым возымо шотышто рӱдолаште туныктымо семинар эртен. Тудым Республикысе калык усталык рӱдер виктарен.
Мордовий Республикысе Саранск олаште финн-угор калык-влакын 2 форумжо эртыме годым Илларион Яушев лӱмеш кугыжаныш музыкальный театрыште мастарлык кудо, ярминга пашам ыштен. Верысе мастар еҥ-влак мордва калыкын арален кодымо поянлыкышт дене палдареныт.
Лекций ден мастарлык-классым эртарат да проектым возаш туныктат. Республикын районлаже да олалаж гыч 14 гыч 17 ияш марте чолга волонтер-влак «Авангард» рӱдерыште погыненыт. Амалже – лишыл кечылаште тушто доброволец-влаклан кеҥежымсе школ пашам ышта. Самырык волонтер-влак дене мемнан съемочный группынат вашлийын.
34 ий траторым виктарыме да мланде пашам йӧратымыже тудым Россий кӱкшытан званий марте конден. Медведево районысо Шойбулак племзаводышто трактористлан тыршыше Евгений Скобелев « Россий Федерацийысе ялозанлыкын сулло пашаеҥже» лӱм дене палемдалтын. Ты указыш Россий Президент Владимир Путин кидпалыжым пыштен. Сулло таркторист дене вашлияш съемочный группына пасуш миен коштын.
Юл кундем федерал округла гыч ӱдыр ден рвезе-влак шке чолгалыкыштым тергеныт. Самырык еҥ-влаклан «Акпатыр» сарзе да спорт таҥасымаш эртен. Ончыч нуно «Авангард» рӱдерыште, а вара У Торъял районысо элембай селаште верланыше Шукшан патырле заставыште танасеныт. Икмыняр кече жапыште 12 виктыш дене чолгалыкыштым тергеныт. Кумданрак сюжетыште.
РЕПОРТАЖ: Делегация Марий Эл приняла участие во II всероссийском форуме финно-угорских народов.
Марий тӱвыралан пӧлеклалтше кеҥеж. Кундемыштына «Марий кеҥеж» уремысе фестиваль умбакыже шуйна. Кажне арнян каныш кечылаште Республикын рӱдолаштыже марий артист-влак, тӱвыра тӧнеж ден театр-влак калыклан концертым але спектакльым ончыктат. «Марий кеҥеж» проектыш Республикысе Марий тӱвыра рӱдерат ушнен. Эртыше каныш кечын рӱдер пеленсе усталык коллектив-влак рӱдоласе паркыште калыклан шкешотан пайремым эртареныт. Кумданарак сюжетыште.
Тиде кечылаште Мордовийыште, Саранск олаште, кугу форум эрта. Тудо Российын тӱрлӧ регионжо гыч финн-угор тӱшкаш пурышо калык-влакым чумырен. Форумын пашашкыже Марий Элысе делегацият ушнен, тудым республикысе виктер председательын икымше алмаштышыже Михаил Васютин вуйлата. Мероприятийын программыштыже – пленарный заседаний, секций-влак. Кугу тӱткышым финн-угор калык-влакын йылмышт, тӱвырашт, йӱлашт дене кылдалтше йодыш-влаклан ойыреныт. Мут толмашеш, форумышто мемнан колегына Лира Матвеева пашам ышта.
Тений йочам икымше классыш погаш кокла шот дене ончымаште 23 тӱжем наре теҥге кӱлеш. Тыгай цифрым аналитик-влак шотлен луктыныт. Южо ешлан тиде пеш шерге лийын кертеш. Тидланак кӧра Марий Элысе тунемме тӧнеж-влак «Помоги собраться в школу» акцийым увертареныт. Тений тудо 14 август гыч 11 сентябрь марте шуйна. Тудын тӱҥ шонымашыже: шуко шочшан але неле илыш ситуацийыш логалше еш-влаклан полшаш. Йошкар-Оласе 21-ше номеран школын тунемшыже-влак ты акцийыш ынде икмыняр ий ушнат.
