Йошкар-Оласе 19-ше номеран школышто «Благодарю за службу» документальный фильмым ончыктеныт. Тудо СССР жапыште, Кугу Ачамланде сар годым, нацист-влакын преступленийыштым почын ончыкта.
Йочан усталыкшым муро полшымо дене шуараш. «Марий йоча муро» проект почеш йоча-влаклан марий муро сборник савыкталтын. Республикысе Марий тӱвыра рӱдерын проектшым илышыш шыҥдараш «Россий марий-влак» федерал калыкле-тӱвыра автономий полшен. Йоча муро-влакым «Юкече» йоча вокал да «Падыраш» фольклор ансамбль-влак йоҥгалтарат.
Праздничный концерт по заявкам телезрителей.
Уста актрисе, драматург, туныктышо Зинада Долгован лӱмгечыжлан пӧлеклалтше бенефис эртен. 2007 ий гыч тудо Марий самырык театрыште пашам ышта. Тыште тудо йоча-влаклан йомак-влакым шында, тыгак кугыеҥ-влаклан комедий да драме-влакым воза. Тачысе кече марте Зинаида Доглован 10 утла пьесыже почеш спектакль-влак шындалтыныт. Тыгак тудын пашаже-влакым Чувашийсе ТЮЗ, Сыктывкар да Финляндийсе театрлаште шынденыт.
«Пӱрымаш» . Тыгай лӱман кугу концерт Морко кундемын талантан эргыже Валерий Петровым шарныме лӱмеш шочмо кундемыштыже лиеш. Йӧратыме мурызо мемнам кодшо ийын декабрь тылзыште курымешлан коден кайыш. Мурызо шке усталык корныжым «У муро» студий, «Шуматкече» ансамбль, марий филармонийын кугыжаныш капеллыже дене кылден. Шкетынат мурен, гитарым сайын шоктен.
Элым аралыше-влакын кечыштым спорт пайрем дене палемденыт. Советский районысо Кужмарий ял шотан илем администраций верысе калыклан ече дене танасымашым эртарен. Таҥасымашыш тӱрлӧ ял гыч ятыр ен чумырген. Шкешотан спорт турнир тений 4-ше гана эртаралтын.
«Чылажат сеҥымаш верч!». Элнам аралыше-влакын кечышт вашеш палемдыме телемарафон шеҥгелан кодын. МЭТР телерадиокомпанийыште 18 гыч 22 шагат марте вияш эфирыште регион вуйлатыше, артист, «Калык фронтын» еҥышт да мер пашаеҥ-влак лийыныт. Марафонын иктешлымашыже – черетан сюжетыште.
У мурызо ден эн сай муро-влак. Марий Эл Радион «Идалыкысе муро» черетан фестивальже тений 11-ше гана эртен. Тудо могайрак лийын да гран-прим кӧ сеҥен? Кумданрак - материалыште.
Телым ужатен, шошым вашлийына! Калыкыште тыгай шонымаш Ӱарня дене кылдалтын. Эртыше рушарнян Йошкар-Олаште Ӱарня пайрем гӱжлен. Иканаште рӱдоласе икмыняр площадке каныме рӱдерыш савырнен. Ночко лум мурен-кушташ, тӱрлӧ модыш дене модаш чаракым ыштен огыл. Кумданрак сюжетыште.
Праздничный концерт по заявкам телезрителей.
