Шинчам куандара, чоным вӱчка да тунамак СВО-што ӱмыр лугыч лийше эргыжым шарныкта. Морко район Кокласолаште илыше Алевтина Петрова шке пакчаштыже эргыже Дмитрий лӱмеш пеледыш ден вондерым шынден. Чылаже 200 утла кушкыл. Кумданрак черетан материалыште.

«Таза республик» Провой кундемыште. 5 гыч 11 август марте тушто Юрий Зайцевын проектше почеш тазалык арня эрта. Акций кышкарыште районын 3 ял шотан илемыштыже кумылан-влак врач деч полышым йодын, тыгак тÿрлö черлан экспресс-тергымашым эртеныт. Кумданрак Кристина Быкован материалыштыже.

У спектакль дене вашкат. Курыкмарий драме театр Валентин Распутин «Прощание с Матёрой» повестьше негызеш постановкым калыклан аклаш луктеш. Инсценировкым курыкмарий йылмыш Валентина Степанова кусарен. Кунам спектакльым ончыктат? Лира Матвеева палдара.

Морко район Эҥерсола яллан – 255 ий. Тиде ялыште шочшо, илыше, уна-влакым икте чумырен – шочмо вер-шӧрым, ты кундемым йӧратымаш да чапландарымаш. Эҥерсолаште лӱмгечылан пӧлеклалтше ял пайрем эртен. Мурызо, коллектив-влак калыклан куан кумылым пуртеныт. Фотоончер, модмаш площадке-влак пашам ыштеныт. Пайремыште тиде ялыште эн кугу ийготан еҥ да самырык еш-шамычым саламленыт. Пайремыш крестный ход дене Арын черке гыч Православный йоча лагерь саламлаш толын, йоча-влак музыкальный номерым ончыктеныт. Палемдыман, тиде ялыште воскресный школ уло. Тушко 8 йоча коштеш.

Марий калыкын легендыже гыч герой-влак шочыт. Йошкар-Ола Российын 4 регионжо гыч пу гыч пӱчкедыше мастар еҥ-влакым чумырен. Спидкарвинг дене икымше фестиваль-конкурсышто 7 участник вийжым терга. Фестиваль 4 кече Марий паркыште эрта. Конкурсын икымше кечынже кидмастар-влак дене Вера Горохова вашлийын.

Таза вольык деч тамле шыл да шӧр. Сай качестван продукцийым чыла шотышат таза вольык ден кайык гына пуа. Нуным жапыштыже пукшыман, специалист деке коштыктен, профилактикым ыштыман. Молан вольыклан прививке кӱлеш, да мо деч тудо арала? Кумданрак сюжетыште.

«Кеҥеж йӱд» спектакльым пӱртӱс лоҥгаште ончыктат. М.Шкетан лӱмеш Марий Кугыжаныш драме театр Морко район Марий Кужерыште Николай Арбанын произведенийже почеш шындыме спектакльым ончыкта. Музыкальный комедийыште «Марий кундем» калык семӱзгар оркестр шокта. «Кеҥеж йӱд» спектакльым 11 августышто Морко район Марий Кужер ялыште ончыктат.

Марий Эл гыч кидмастар-влак «Ива Дивная» Россий кӱкшытан фестивальыш миеныт. Тудо Кирово-Чепецкыште эртен. Фестивальыш вӱдуа гыч тӱрлӧ арверым пидше-влак чумыргеныт. Марий Элын калык кидмастарже Виталий Кудрявцев «Живое ремесло» номинацийыште сеҥыше лийын.

Кужэҥер район Визымыште «Муро памаш» регион кокласе калык усталык фестиваль эртен. Тудо 2015 ийыште тӱҥалтышым налын. Тений фестиваль 400 наре унам вашлийын. Кумданрак – материалыште.