«Марий Эл Радио» черетан сылнымут акцийым эртараш ямдылалтеш. 8 да 9 мартыште вияш эфирыште Шабдар Осыпын «Ӱдырамаш корно» романжым лудыт». Тиде ынде визымше тыгай сылнымут акций. Ты гана тудо ӱдырамаш-влакын тӱнямбалсе кечыштлан пӧлеклатеш. Романым М.Шкетан лӱмеш Марий кугыжаныш да Марий самырык театр-влакын актристышт лудаш тӱҥалыт.

Класс вуйлатыше-влаклан пӧлеклалтше форум. «Классные встречи» лӱман вашлиймаш Туныктышын да наставникын идалык кышкарыштыже икымше гана эртаралтын. Форумышто туныктыш аланыште кучылтмо у йӧн-влакым, йочам воспитатлыме практикым каҥашеныт. Шке шонымаш да опытышт дене республикын чыла район да олалаж гыч туныктышо-влак пайлалтын кертыныт.

Шӱшпык йӱкан мурызын усталыкше да илыш корныжо. Мемнан съемочный группына Марий Элын калык, Россий Федерацйиын сулло артистше Зоя Берникова дене вашлийын кутырен. Амалже - 8 мартыште лиеш, 15 шагатлан тудо Сеҥымашын 30-шо идалыкше лӱмеш тӱвыра полатыште лӱмгече идалыкшылан пӧлеклалтше концертым эртара. Тачысе кечын билетым Яков Эшпай лӱмеш марий кугыжаныш филармонийын сайтыштыже да кассыште налаш лиеш.

Марий Элысе пӱртӱс памятник, республикысе театр ден тоштер, кундемнан лӱмлӧ еҥже-влак нерген кӱчык увер ик сборникыште. Шукерте огыл савыкталтше тӱвыра дневник тӱрлӧ ийготан йоча-влаклан келыштаралтын. Тудым тӱвыра министерствын полшымыж дене Калыкле тоштерын специалистышт туныктышо-влак дене пырля чумыреныт. Умбакыже эфирым тиде паша тетрадь нерген материал шуя.

Праздничный концерт по заявкам телезрителей.

Муро йӱкеш шочынам да.. (гармонист из Советского района Александр Пуртов)

Сеҥымаш верч, салтак-влак верч! Таче тиде шкешотан ой девизыш савырнен. Республикысе кажне районым, ялшотан илемым салтак-влаклан полшаш шонымаш иктыш ушен. Ик вере носким пидыт, ӱмбал да йымал вургемым ургат гын, вес вере сортам ямдылат. Марий Турек поселкышто «Ший волонтер-влак» мер ушемын чолга ӱдырамаш ден пӧръеҥышт сортам ыштат. «Ышташ неле огыл, картон, парафин да тӱҥжӧ полыш кидым шуялташ кумыл кӱлеш» маныт.

«Мÿндыр ялыш толын каче». Тиде - М. Шкетан лӱмеш Марий кугыжаныш драме театрын черетан премьерыже. Тачысе илышланат келшен толшо постановкышто Лили лӱман самырык ӱдырын рÿдолаште вашлийме у йолташыже-влак каникул жапыште тудын дене пырля ялысе неле илыш нерген документальный фильмым войзаш шонен толыныт. Но ял нуным чылт ӧрыктара. Мо дене? Йодышлан вашмутым мемнан корреспондента кычалын.

Тоштер пашаеҥ-влакым чумырышо семинар. Тимофей Евсеев лӱмеш калыкле тоштерыште республик кӱкшытан погынымаш эртен. Чылаже 30 наре музей пашаеҥ-влак семинарыш толыныт. Семинарыште ик эн тӱҥ йодыш семын «Пушкинская карта» программе лектын. Кумданрак – материалыште.

Праздничный концерт по заявкам телезрителей.