Марий самырык театрын шке полатшым тӧрлат гынат, тудо у спекталь дене калыкым куандара. Шукерте огыл «Капитанская дочка» постановкым сценыш луктын, а 26 сентябрьште театр тургымым Юрий Артамоновын «Чодыра юзо» произведенийже почеш шындыме спектакль дене почыт.
Чодыраште тӱткылыкым ида йомдаре! Пытартыш жапыште калык утларак ир янлык дене вашлиялташ тӱҥалын. Амалже - маскан да ир сӧснан кочкыш шотышто миграцийышт, тыгак шордо-влакын кӱтласыме пагытышт. Кызыт узо шордо-влак поснак осал улыт, южгунамже айдеме ӱмбаке амал деч поснат керылтын кертыт.
Эртыше рушарнян чодыра пашаеҥ-влак шке профессионал пайремыштым палемденыт. Тудо сентябрьын кумшо рушарнянже эртаралтеш. Тачысе кечын Марий Элыште чодыра аланыште ик тӱжемат вичшӱдӧ наре специалист тырша: тиде лесничествын, чодыра пожар службын, заповедник-влакын еҥышт да молат. Нуно марий кундемын ик эн тӱҥ поянлыкшым перегат да тудым шукемдат. Пайрем лӱмеш Алевтина Бокова «Кугу Какшан» заповедникын шанчыеҥже Геннадий Богданов дене вашлийын. Геннадий Алексеевич чодыра аланыште ынде 30 ий наре тырша.
Угинде пайремым эртарыме радам дене палдараш, киндын кӱлешлыкшым да тудын илыш куатшым ончыкташ. Республикысе Марий тӱвыра рӱдер «Угинде» пайремым эртараш ямдылалтеш. Тудо 14 октябрьыште Чарла Кремльыште лиеш. Пайремыш ушнаш шонышо коллектив да участник-влак деч йодмашым 5 октябрь марте вучат. Кумылан-влак тӱрлӧ конкурсышто вийыштым терген кертыт.
Ялозанлыкыште иктешлымашым ышташ тӱҥалыныт. Тачысе кечын пакчазе-влак шке саскаштлан акым пуат. Мемнан съемочный группына поро йолташна Эльвира Пирогова деке миен толын. Пакчазе лектыш дене палдарыш да икмыняр ой-каҥаш пуыш.
Марий Элыште да Российысе регионлаште лийше вашталтыш-влакым эскерет? Шанче, ялозанлык, технике, тӱвыра да моло аланыште сай лектышлан куанет? Тугеже «Россия – страна достижений» проектыш ушно! Тушто элнан чыла регионжо тӱрлӧ аланыште сай да тӱня мучко шке кундемым чапландарыше продуктшо дене палдара. Проектышке Марий Эл деч 11 паша ушнен. Кумданрак сюжетыште.
Шочмо марий йылмынан куатше, моторлыкшо дене Россий кӱкшытыштӧ палдара. Тиде кечылаште Черкесск олаште шочмо йылмым да литературым туныктышо-влак эн сай лӱм верч таҥасат. Марий Элын чапшым «Марий йылмым эн сай туныктышо-2023» конкурсын сеҥышыже Людмила Пирогова арала.
«Марий Эл ТВ»: Интервью с директором Йошкар-олинского аграрного колледжа Геннадием Богдановым. «Актуальное интервью» с Лирой Матвеевой.
Марий самырык театр у тургымлан ямдылалтеш. Тений тудо у постановкым сценыш луктеш. Премьере 19 сентябрьште лиеш. Репетицийыште мемнан съемочный группына лийын.
Муро да куштымаш пайрем. 260 артист ик сценыште. Марий Элыште «Танцуй и пой, моя Россия» Российысе фестивальын ойырымо тапырже эртен. Тений тиде сымыктыш проектыште кугыеҥ-влак гына огыл, йоча коллектив-влакат вийыштым тергеныт. Репетиций, мастарлык-класс, конкурс да гала-концерт. Участник-влак поян программе дене таҥасеныт. Уло элыштына чапланыше фестиваль Э. Сапаев лӱмеш опер да балет театрыште эртен.
