МАРИЙ ЭЛ ТВ

Республикысе ялозанлык министерствын коллегийын заседанийыштыже Советский район гыч фермер Сергей Гусевым саламденыт

  • Дата: 19:58, 11-03-2024
  • Просмотров: 155

Ялозанлыкыште тыршыше -влак дене вашлийыныт. Республикысе ялозанлык министерстве коллегийын заседанийыштыже 2023 ийысе пашам иктешлен: ялозанлык производство, ты аланыште кугыжаныш полышым пуымо шотышто ойленыт. Эртыше ийын 252 фермер кугыжаныш полышым налын. Нуно 59 миллиард тенге парышым ыштеныт. Шурным 337 тӱжем тонным поген налыныт. Тиде аланыште кугыжаныш 197 миллион теҥге полышым ойырен. Пареҥгым 242 тӱжем тонным погеныт. Тыште 75 миллион тенгеаш субсидий ойыралтын.

 


МАРИЙ ЭЛ ТВ

Марий Эл ТВ: Йошкар-Оласе Ботанике садын оранжерейыштыже тропик да субтропик кушкыл-влак пеледыт

  • Дата: 19:57, 11-03-2024
  • Просмотров: 143

Тропике да субтропике кушкыл-влак пеледыт да саскам пуат. Йошкар-Оласе Ботанике садын оранжерейыштыже шокшо элысе тӱрлӧ кушкылын пеледмыжлан кӧра кеҥежла чучеш. Мотор ончерым ужын аклаш кумылан-влак экскурсийыш толын коштыт. Экзотике оранжерейыш Вера Горохова ден операторна миен коштыныт.

 


МАРИЙ ЭЛ ТВ

И. Палантай лӱмеш тӱвыра да сымыктыш колледжын «Тулгайык» ансамбльже «Битва хоров» россий кӱкшытан конкурсын финалистше

  • Дата: 19:55, 11-03-2024
  • Просмотров: 137

Марий Элысе «Тулгайык» Сочиште «чолгыжын». Март тӱҥалтыште «Сириус» федерал кумдыкышто «Битва хоров» россий кӱкшытан конкурсын финалже лийын. Тӱрлӧ регионысо 31 коллектив кокла гыч И. Палантай лӱмеш тӱвыра да сымыктыш колледжын «Тулгайык» ансамбльже шке ийготан-влак коклаште 3-шо степенян диплом дене палемдалтын. Коллектив дене мемнан съемочный группына вашлийын.

 


МАРИЙ ЭЛ ТВ

Марий Эл ТВ: Марий Элын вуйлатышыже, правительствын еҥже-влак республикын ик эн чолга ӱдырамашыже-влакым саламленыт

  • Дата: 19:47, 7-03-2024
  • Просмотров: 195

Марий Элын вуйлатышыже, правительствын еҥже-влак республикын ик эн чолга ӱдырамашыже-влакым саламленыт. М.Шкетан лӱмеш марий кугыжаныш драме театрыште пайрем лӱмеш Юрий Зайцев тӱрлӧ сферыште тыршыше ӱдырамаш-влаклан пеледыш аршашым кучыктен. Чылаже 60 утла ӱдырамашым республикын кажне районыжо гыч ӱжыныт.

 


МАРИЙ ЭЛ ТВ

Марий Эл ТВ: Ача-ава-влак соцальный сертификат дене пайдаланен кертыт

  • Дата: 19:42, 7-03-2024
  • Просмотров: 232

Ешартыш шинчымашым яра налаш лиеш. Тыгай йӧным ешартыш шинчымашым пуымо системыште персонифицироватлыме сертификат ышта. Марий Элыште тудын дене 2021 ий гыч пайдаланаш лиеш. Сертификат полшымо дене ача-ава шке икшывыштым икмыняр кружок але секцийыш колтен кертыт. Гуманитарный, естественнонаучный, технический - чылаже 6 виктыш уло. Социальный сертификат нерген уверым «Навигатор» системыште муаш лиеш. Тыгак порталыште посна район але школышто ешартыш шинчымыш налаш лийме нерген уверым вераҥдыме.

 


МАРИЙ ЭЛ ТВ

Марий Эл ТВ. Т.Евсеев лӱмеш калыкле тоштерыште «Трогательный мир марийской культуры» кидшӱм дене шижме ончер почылтын

  • Дата: 19:40, 7-03-2024
  • Просмотров: 205

Т.Евсеев лӱмеш калыкле тоштерыште «Трогательный мир марийской культуры» кидшӱм дене шижме ончер почылтын. Тоштерын социальный проектше сокыр да начарын ужшо еҥ-влаклан келыштаралтын. Тушко шӧртньӧ фонд гыч 30 радына пурталтын. Тазалык шотышто эмганен вияҥше-влаклан ончер Брайыльын шрифтше дене возымо текст, йӱк, барельеф да аромокомпозиций дене пойдаралтын.

 


МАРИЙ ЭЛ ТВ

Марий Эл ТВ: Марий Турек районышто ӱдырамаш-влакын форумыштышт Ида Крылова лӱмеш премийым сулышо-влакым саламленыт

  • Дата: 19:39, 7-03-2024
  • Просмотров: 279

Марий Турек районысо ӱдырамаш-влакын форумышт эртен. Тудо 13 гына лийын да еш идылыклан, Марий Турек раойнын 100 ияш лӱмгечыжлан пӧлеклалтын. Ӱдырамаш мер да политике, экономике, социал – чыла аланыштат чолгалыкшым ончыкта. Лач тыгай-влакым форум чумырен. Тӱштоӱдырамаш-влак деч посна, районным чапландарыше еш-влакым саламленыт.

 


МАРИЙ ЭЛ ТВ

Марий Эл ТВ: Марий Эл Russian Travel Awards россий кӱкшытан конкурсышто сеҥыше радамыш лектын

  • Дата: 20:19, 6-03-2024
  • Просмотров: 206

Марий Эл Russian Travel Awards россий кӱкшытан конкурсышто сеҥыше радамыш лектын. Таҥасымаш Санкт-Петербург олаште эртен. Мемнан Республикына «Этнотуризмын регионжо» номинацийыште кокымшо вер дене палемдалтын. Кумданрак - материалыште.