Шинчымаш кугорно.

Специальный военный операцийыште улшо-влаклан чумыр калык рӱж полшаш ушнен. Кажне районышто кугырак ийготан-влакат, самырык-влакат тиде пашам шуктат: кӧ гуманитар полышым чумыра, кӧ кидпаша дене носилкам, вургемым урга. Марий Турек районысо социальный обслуживаний рӱдерын комплексный отделенийыштыже у ий вашеш кова-влак телевизор дене вес регионлаште носким пидме нерген уверым ужыныт. Шкештат тиде поро пашашке ушненыт.

Таза илыш, кумыл паша- уда койыш деч аралалташ ик эн сай йӧн. Тÿрло чер деч аралалташ да таза лияш кумыландыме мероприятий-влак колашке Наркотик дене пайдаланыме деч профилактике арнямат пурташ лиеш. Тудо 27 февраль гыч 5 март марте шуйна. Тачысе кечын наркоманий дене кылдалтше проблеме ик эн пÿсын шогышо манаш лиеш. Статистике почеш, ийготыш шудымо 30 процент ÿдыр-рвезе психоактивный вещества дене кеч ик гана да пайдаланен онча.

«Чылажат сеҥымашлан» телемарафон шке кӱлешлыкшым ончыктен, тудым ятыр еҥ ончен да кумылын ушнен. 22 февральыште Калык фронт да МЭТР телерадиокомпаний ныл шагаташ акцийым эртареныт. Марафоным регион вуйлатыше Юрий Зайцев тӱҥалын. Тудым МЭТР телеканалыште ончаш, тыгак Марий Эл Радио, МЭТР ФМ радиостанцийлаште колышташ йӧн лийын. Тидын дене пырял социал кыллаштат тудын деке ятырын ушненыт.

Ече спортым йӧратыше-влаклан пырля погынаш амал эре лектеш. Эртыше кечылаште Корта базыште лӱмлӧ ечызе-влакым шарныме турнир эртаралтын. Ечыгорныш ятыр ветеран, сулен налме канышыште улшо ечызе-влак шогалыныт.

Кугезе вожнам, илыш йӱланам шымлыме, жаплыме, шарныме да аклыме амал дене. Оршанке поселкысо тӱвыра да каныме рӱдерыште Республикысе йоча да самырык-влаклан фольклор фестиваль эртен. Тений тудо 4-ше гана лийын. Фестивальыш мемнан съемочный группына миен.

Праздничный концерт по заявкам телезрителей.

Марий Эл Радион эртарыме «Идылыкысе муро-2022» кугу фестивальже кодшо шуматкечын эртен. Толшо-влак кодшо ийын радиошто икымше гана йоҥгышо ойыртемалтше, сай муро-влакым ончен, нунылан йӱкым пуэн кертыныт. Концерт кум шагат утла шуйнен. Фестивальын лауреатше-влакым статуэтке, автор-влакым диплом дене палемденыт. Сеҥышылан пӧлекым кучыктеныт.

«Марий Эл ТВ»: Интервью со студенткой и проводницей Полиной Дмитриевой. «Актуальное интервью» с Лирой Матвеевой.

Туныктышо, воспитатель, педагог-библиотекарь да науко пашаеҥ-влак ик верыш погыненыт. 50 утла еҥым Т. Евсеев лӱмеш Калыкле тоштер чумырен. Амалже – «Марий краведений: таче да эрла» регион-влак кӱкшытан конференций лийын. Тений тудо 29-ше гана эртен. Марий Эл деч посна Татарстан, Чуваший республикысе йочасад да школла гыч туныктышо-влак ушненыт.