Москваште йоча-влаклан калык-влак кокласе тӱвыра форум эртен. Марий Эл гычат 10 чолга тунемше тушко ушнен. Нунын кокла гыч 7-тше - И. Палантай лӱмеш тӱвыра да сымыктыш колледж пеленсе Калыкле сымыктыш гимназийын тунемшыже-влак. Форум нерген кумданрак – материалыште.
Шыже – грипп, ОРВИ, ОРЗ дене утларак черланыме пагыт, сандене ты жапыште тазалыклан утларак тӱткышым ойырыман. Поснак йоча-влаклан. Кузе нуным чер деч аралаш? Черланымеке, могай полышым пуаш? Нине йодыш-влаклан вашмутым Кристина Быкова кычалын.
«Кум кече илаш ыле…» Иван Хорошавин Кугу Ачамланде сар годым лач тыгай шонымаш дене илен. Ятыр неле-йӧсым чытен, илен лектын. Ачажым шарнен, Геннадий Хорошавин «Три дня бы пожить… Пӱрымаш» книгам возен. Тудын презентацийже Сергей Чавайн лӱмеш калыкле книгагудышто лийын.
Лудшо-влаклан пӧлек. У тунемме идалык тӱҥалме да грамотностьым шукемдыме тӱнямбал кече вашеш С. Чавайн лӱмеш книгагудышто олмыктымо паша деч вара эше ик кабинет шке омсажым почын. Информационно-библиографический пӧлка уэмдыме 7-ше пӧлем. Тушто мемнан съемочный группынат лийын.
Республикысе вич федеральный ведомство специальный сарзе операцийыште порысым шуктышо салтак-влаклан икмыняр автомашинам да прицепым пуэн. Ты радамыште бортовой УАЗ, кок Нива да Волга. Октябрьыште автомашина-влакым моло гуманитар груз дене пырля спецопераций кайыме верышке колтат.
7 гыч 14 сентябрь марте Марий Элыште «Марий куштымашын арняже» акций эрта. Конкурс онлайн йӧн дене лиеш. Акцийыш кажне кумылан еҥ ушнен кертеш. Условий почеш марий сем почеш куштымашым шынден, видеош сниматлыман.
Мордовий Республикысе Степан Эрьзя лӱмеш сӱретсымыктыш тоштерын коллекцийыштыже 16 тӱжем утла экспонат аралалтеш. Тушто 6 шанче пӧлка пашам ышта. Мемнан съемочный группына декоративно-прикладной сымыктыш пӧлкаште лийын. Тушто улшо мордва калыкын чиемже дене палыме лийын.
У тунемме идалыкым - «Точка роста» рӱдер-влак дене. 1 сентябрь гыч республик мучко 79 туныктымо тӧнежыште ты рӱдер пашам ышта. Тышечын 21-жым тиде кечылаште пайремлын почыныт. «Туныктымаш» нацпроектлан кӧра йоча-влак «Физике», «Химий», «Биологий» предметлам кумданрак тунемын кертыт. Оршанке районысо Шулко кыдалаш школышто рӱдерым почмаште мемнан съемочный группынат лийын.
Кенеж канышым студент-влак тӱрлӧ семын эртарат: пашам ыштат, ача-авалан полышкалат. А теве мемнан коллегына, Марий Эл радион вӱдышыжо Ирина Петрова «Профессионалы.РФ» форумыш ушнен.
Мутмастар-влакым вучат. 21 да 22 сентябрьыште самырык писатель-влаклан «Сылнымут шыже - 2023» республик кӱкшытан семинар-совещаний лиеш. Тений тудо Йошкар-Олаште да Оршанке районышто эрта. Самырык да опытан писатель-влакым мо вуча? Конкурсышко могай паша-влак пурат? Вашмут сюжетыште.
