2023 ийыште ото-влакым шымлыме нерген историй шанче кандидат Дмитрий Байдимиров каласкала.
Лудшо-влак верч тыршат. «Марий книга издательстве» савыктыш пӧрт тылзе еда калыкым у книга дене палдара. Ӱмаште, мутлан, 50 утла книга ош тӱням ужын. Тышечын 30-жо - кугыжаныш программе почеш лектын. Тенийлан планыште вашталтыш кугу. Кумданрак Эльвира Петрова каласкала.
Марий ончылъеҥын ыштен кодымо пашаже шарнымаште ила. Икымше марий языковед, просветитель, профессор Павел Петрович Глезденёвым Марий Элыште гына огыл, моло кундемлаштат жаплат. Мутлан, Киров олаште тудлан шарныктыш оҥам почмо. Тидын нерген Вера Горохован сюжетыштыже ончыза.
Сценышке лекташ ямдылалтыт. 15-17 апрельыште Йошкар-Олаште «Театральная юность» фестиваль лиеш. Тушко республикысе район да оласе тӱвыра рӱдер пеленсе йоча театр-влак погынат. Морко, Кужеҥер, Медведево, Марий Турек районла, Йошкар-Ола, Козмодемьянск, Волжск да Киров олала гыч коллектив-влак толыт. Йоча-влак спектакльым руш да марий йылмыла дене ончыктат.
Кугече, Авагавайрем, Сӱрем. Нине пайрем-влак кажне районышто шке радамышт дене эртаралтыт. Тыгак республике кӱкшытыштӧ нуным палемдыме нерген онаеҥ-влакын погынымаштышт каҥашеныт. Шошо кумалтыш тений 6 майыште почылтеш. Кугече пайрем 5 майыште лиеш, Агавайрем кумалтыш - 10 июньышто.
Марий самырык театр «Рошто уна» лÿман у спектакльым ямдыла. Тудым марий драматург Валерий Григорьев возен. Комедий лишыл жапыште театрын репертуарышкыже пура. Спектакльлан ямдылалтмым Кристина Быкова ончен толын.
Шошо толмо дене пӱртӱс веле огыл, айдемат вашталтеш. Тудо нӧлталтше кумылан, пашалан шӱман лиеш. Тиде жапыштак айдемын авитаминоз тӱҥалын кертеш. Могай амаллан кӧра тудо лектеш? Авитаминозым кузе палаш да чараш? Нине йодыш-влаклан вашмут черетан сюжетыште.
Башкортостан республикысе Краснокам районышто гармоньчо-влакын фестивальышт эртен.
Калык ончылно шкем чолган кучынет, артист семын кушнет? Тугеже театр-студийыш ушно. Йошкар-Олаште калык тӱвыра пӧртыштӧ «Софит» лӱман театр-студий почылтын. Тудо республикысе калык усталык рӱдер пелен пашам ышта. Тушко ийготым да профессийым ончыде, кажне кумылан еҥ ушнен кертеш. Студий театр илышым йӧратыше да шкем артист семын тергаш шонышо-влакым иктыш чумыра. Тыгак калык ончылно лӱдмашым кораҥдаш да кушкаш йӧным ышташ полша. Занятий-влакым Марий Элысе тӱвыран сулло пашаеҥже Светлана Акчурина вӱда.
Айдемын космосышко чоҥештымыжлан тений 63 ий. Тиде кечылан пöлеклалтше мероприятий-влак мемнан кундемыштат эртат. У Торъял районысо Токтарсола тÿҥ школ пеленсе Эрик Сапаев лÿмеш йоча сымыктыш школышто конкурслан ямдылалтыт.
