Лудшо-влаклан пӧлек. У тунемме идалык тӱҥалме да грамотностьым шукемдыме тӱнямбал кече вашеш С. Чавайн лӱмеш книгагудышто олмыктымо паша деч вара эше ик кабинет шке омсажым почын. Информационно-библиографический пӧлка уэмдыме 7-ше пӧлем. Тушто мемнан съемочный группынат лийын.

Республикысе вич федеральный ведомство специальный сарзе операцийыште порысым шуктышо салтак-влаклан икмыняр автомашинам да прицепым пуэн. Ты радамыште бортовой УАЗ, кок Нива да Волга. Октябрьыште автомашина-влакым моло гуманитар груз дене пырля спецопераций кайыме верышке колтат.

7 гыч 14 сентябрь марте Марий Элыште «Марий куштымашын арняже» акций эрта. Конкурс онлайн йӧн дене лиеш. Акцийыш кажне кумылан еҥ ушнен кертеш. Условий почеш марий сем почеш куштымашым шынден, видеош сниматлыман.

Мордовий Республикысе Степан Эрьзя лӱмеш сӱретсымыктыш тоштерын коллекцийыштыже 16 тӱжем утла экспонат аралалтеш. Тушто 6 шанче пӧлка пашам ышта. Мемнан съемочный группына декоративно-прикладной сымыктыш пӧлкаште лийын. Тушто улшо мордва калыкын чиемже дене палыме лийын.

У тунемме идалыкым - «Точка роста» рӱдер-влак дене. 1 сентябрь гыч республик мучко 79 туныктымо тӧнежыште ты рӱдер пашам ышта. Тышечын 21-жым тиде кечылаште пайремлын почыныт. «Туныктымаш» нацпроектлан кӧра йоча-влак «Физике», «Химий», «Биологий» предметлам кумданрак тунемын кертыт. Оршанке районысо Шулко кыдалаш школышто рӱдерым почмаште мемнан съемочный группынат лийын.

Кенеж канышым студент-влак тӱрлӧ семын эртарат: пашам ыштат, ача-авалан полышкалат. А теве мемнан коллегына, Марий Эл радион вӱдышыжо Ирина Петрова «Профессионалы.РФ» форумыш ушнен.

Мутмастар-влакым вучат. 21 да 22 сентябрьыште самырык писатель-влаклан «Сылнымут шыже - 2023» республик кӱкшытан семинар-совещаний лиеш. Тений тудо Йошкар-Олаште да Оршанке районышто эрта. Самырык да опытан писатель-влакым мо вуча? Конкурсышко могай паша-влак пурат? Вашмут сюжетыште.

«Профессионалитет» федерал программе почеш туныктымо кластер почылтын. Юл кундемысе кугыжаныш технологий университетын Йошкар-Оласе аграрный колледжыштыжее ялозанлык направлений дене «агротехник» тунемме производство рӱдерым пайремлын почыныт.

«Марий Эл ТВ»: Интервью с заместителем министра образования и науки РМЭ Гавриловой В.Г. «Актуальное интервью» с Лирой Матвеевой.

Юрино поселкышто Геннадий Лосев лӱмеш историко-художественный тоштер олмыктымо паша деч вара шке омсажым почаш ямдылалтеш. «Тӱвыра» нацпроектыш пуртымылан кӧра тоштер тӱрлӧ ончерым эртараш келшыше верыш савырнышаш. Уна ден турист-влакым могай вашталтыш вуча? Вашмут сюжетыште.