Марий Элын калык писательжым шарнен. Тений декабрьыште Вячеслав Абукаев-Эмгакын шочмыжлан 65 ий темеш ыле. Тыгак поро кумылым ончыктышо «Ший памаш» фондлан – 10 ий. Тиде кок дате вашеш «Марий йылме да тӱвыра верч» медальым луктыныт. Тидын дене Эльвира Петрова палдара.

«Чоткар» фильмын премьерыже лийын. Тиде Денис Шаблийын марий калыкын эпосшо негызеш войзымо кӱчык метражан кумшо фильмже. Кажныштыже марий талешке-влак неле годым шке калыкшым аралаш полшат. «Чоткар» мо нерген да кӧ тушто модын? Лира Матвеева палдара.

Тунемаш да шинчымашым келгемдаш. Йоча-влаклан школышто тыгай йӧным «Точка роста» рӱдер ден «Кванториум» технопарк-влак ыштат. Шукерте огыл Волжскышто икымше «Кванториум» омсажым почын. «Туныктымаш» нацпроект кышкарыште шукталтше паша 20 миллион теҥгешке шуын. Йоча-влаклан опытым шындаш, шке проектым илышыш пурташ, шымлымаш пашам эртараш у йӧн лектын.

Шернур районышто илыше-влак моло район дене пырля СВО-шко салтак-влаклан черетан посылкым чумыреныт. Тидын нерген Калык Фронт палдара. Тиде гана ты районышто илыше-влак 150 маскировочный сетьым пидыныт. Чумбалт курыкышто погымо кумалтыш солык-влакым аралтыш семын колтат.

Черетан фильм, черетан премьер! Самырык режиссер, Олык Ипай лӱмеш премийын лауреатше Денис Шаблий «Чоткар» кӱчык метражан фильмым калыкышке луктын. Тудын премьерыже рӱдоласе «Октябрь» кинотеатрыште эртен. Тиде авторын 4-ше пашаже. Фильм «Новогоднее чудо» кинолабораторий кышкарыште войзалтын. Съемко У Торъял районышто эртен. Тӱҥ сӱретчын сомылжым молгунамсе семынак Марий Элын сулло сӱретчыже Сергей Таныгин шуктен. Нуно 4 фильмжымат пырля, самырык-влакым ушен пашам ыштеныт.

«Тӱвырам аралыше-влак», але «Хранители культуры». Тӱвыра министерствын историко-документальный выставкыже лач тыге маналтеш. Тудо ведомствын 70 ияш лӱмгечыжлан пӧлеклалтын. Указ почеш тӱвыра министерстве 1953-шо ийыште ышталтын. Тиде жапыште тудо шагал огыл вашталтышым ужын, кужу корным эртен.

Марий йӱла: выставка «Шымакш и не только...Традиция красоты» в Музее народно-прикладного искусства.

Москваште йоча-влаклан калык-влак кокласе тӱвыра форум эртен. Марий Эл гычат 10 чолга тунемше тушко ушнен. Нунын кокла гыч 7-тше - И. Палантай лӱмеш тӱвыра да сымыктыш колледж пеленсе Калыкле сымыктыш гимназийын тунемшыже-влак. Форум нерген кумданрак – материалыште.

Шыже – грипп, ОРВИ, ОРЗ дене утларак черланыме пагыт, сандене ты жапыште тазалыклан утларак тӱткышым ойырыман. Поснак йоча-влаклан. Кузе нуным чер деч аралаш? Черланымеке, могай полышым пуаш? Нине йодыш-влаклан вашмутым Кристина Быкова кычалын.

«Кум кече илаш ыле…» Иван Хорошавин Кугу Ачамланде сар годым лач тыгай шонымаш дене илен. Ятыр неле-йӧсым чытен, илен лектын. Ачажым шарнен, Геннадий Хорошавин «Три дня бы пожить… Пӱрымаш» книгам возен. Тудын презентацийже Сергей Чавайн лӱмеш калыкле книгагудышто лийын.