Тазалыкым пеҥгыдемдашлан спорт дене кылым кучыман. Ечыгорныш уло еш дене. Марий Элыште спорт таҥасымаш-влак ешын идалыкше кышкарыште эртаралтыт. Ты проектыш ялысе администраций, туныктыш тӧнеж да ветеран-влак ушнат.

Шкетан лÿмеш марий кугыжаныш драме театрыште у постановкым ямдылат. «Ныл кувалан ик сÿан». Тудын премьерыже 24 февральыште лиеш. Спектакль тачысе илышлан келшен толеш мо? Калыклан тудо мо дене оҥай? Йодыш-влаклан вашмутым Кристина Быкова кычалын.

Россий сымыктышын сулло деятельже, композитор Иван Егоров.

Неле пагытыште полыш кидым шуялташ. Сарзе операцийыште улшо рвезе-влаклан виктер могырым ик тӱрлӧ полыш ойыралтеш гын, калык шке семынже, вий улмо да моштымо семын полшаш тырша. Ик вере носким пидыт, вес вере сортам ямдылат гын, Оршанке районысо Тошто Крешын ялыште маскировочный сетьым пидыт.

Медведевысе йоча книгагудо сылнымутлан шӱман тунемше-влакым «Вдохновленные малой Родиной» лӱман сылнымут усталык фестивальыш чумыреныт. Вашлиймашыш 7 школ гыч ӱдыр-рвезе-влак толыныт.

18 февральыште Москошто ВДНХ-ште туныктымаш кече лийын. Тудын кышкарыште тӱрлӧ мастарлык класс-влак эртеныт. Республикысе туныктымо тӧнежла гыч педагог да воспитатель-влак ушненыт. Марий туныктыш институт марий йылме дене туныктымо пособийым презентоватлен. Йоча да самырык-влаклан рӱдерын специалистышт «Привет из Марий Эл» открыткым ыштыктеныт. Йошкар-Оласе 90-ше номеран «Крепыш» йочасадын кугырак воспитательже марий костюман курчакым ончыктен. Тыгак туныктышо династий гыч педагог-влак изи портышкемым ыштыме мастарлык-классым эртареныт.

Альберт Рукавишников о бортничестве в традиции народа мари.

Марий Элыште школым капитально олмыктымо паша умбакыже шуйна. Ӱмаште «Школысо туныктымаш системе модернизаций» программе почеш республикыште 13 школым олмыктеныт. Окнам, омсам, шокшым пуышо пучым вашталтеныт, тунемме да моло кабинет-влак йӧршеш у тӱсым налыныт. 2024 ийыште тиде программе почеш эше 6 школым уэмдышаш улыт. Кумданрак сюжетыште.

Марий Элын ялозанлык лектышыжым Москошто ончыктеныт. Аграрный поянлык кече кышкарыште ВДНХ-се ончерыште Марий Элыште ыштен лукмо эн йодмашан да сай сату дене палдареныт, ялозанлыкыште тыршыше ончылъеҥ-влакым таумут дене палемденыт. Эфирыште «Россий» лÿман ончер гыч кондымо сюжет.

Ялозанлык науко кандидат Любовь Кудряшова нӧшмым ӱдымӧ да тудым ойырымо нерген палдара.