Юрий Зайцев Мобилизацийыш логалше еҥ-влакын ешыштлаш ешартыш полышым пуымо шотышто кӱштыкыш шке кидпалыжым пыштен. Тушто тыгай пункт-влакым ончыктымо: мобилизацийыш логалше еҥын лишыл родо-тукымжо кугу ийготыш шуын але 1-ше да 2-шо группан инвалидностян гын – тудын социал обслуживаний ынде мӧҥгыштыжак эрташ тӱҥалеш, тыгак салтак-влакын лишыл родо-тукымышт санаторийыште эмлалтын, а йочашт «Журавушка» лагерьыште канен кертыт. У кÿштык почеш йочасадыш кайышаш икшывыштым черет деч посна налшаш улыт, 5-11 класслаште тунемше-влакым школышто яра пукшат, тыгак кыдалаш тунемме тӧнежыште шинчымашым погышо студент-икшывыштлан ик гана я шокшо кочкышым пукшышаш улыт. Шке сарзе пашаеҥлан гын социал аралтыш да медицин услугым налаш куштылгырак лиеш, кӱлеш семын эмлалташ але реабилитацийымат эрташ ынде йӧнанрак лиеш.
Комментариев: 0