Похожие новости
Мы рекомендуем Вам зарегистрироваться либо войти на сайт под своим именем.
Корным чоҥымо паша дене регион вуйлатыше шочмын 6.00 шагатлан эрдене палыме лийын. Ик эн ончыч Советский уремыште кӱртньыгорно вокзал кумдыкышто пашам аклен. Тиде уремыште корным лӱдыкшыдымӧ да сай качестван автомашина корно национальный проект дене келшышын чоҥеныт. Объектым 30 сентябрь марте ышташ палемденыт ыле гын, пашам ончылгоч мучашлыме. Кум километр утларак кужытышто асфальтым вашталтеныт, таве-влак да вӱд пучым шотышко конденыт, теплосетьын камерыже-влакым, корно палым, бордюр кӱйым уэмденыт. Тыгак йолешке-влакын кошташ верым келыштареныт.
2021 ийлан корным чоҥымо дене пашам мучашлыме, кызыт мутлан, 2022 ийлан планыште улшо Панфилов уремым тӧрлат. Машиностритель-влак ушемыштат паша кая. Нине урем-влакым сентябрь тӱҥалтыш марте ыштен шуктышаш улыт. Регион вуйлатыше тротуар-влак воктене газон-влакын кӱкшытыштлан сай акым пуэн.
Александр Евстифеев тыгак Шоя эҥер гоч ыштыме кӱварым ончен. Тушто пашам ик тылзылан ончычрак мучашлыме. Тушто кӱварым тӧрленыт, гидроизиляцийым ыштеныт, тротуар-влакым келыштареныт. Тиде пашам вес ийын ыштышаш улыт ыле, но ешартыш финансирований пурмылан кӧра, пашам ончылгоч мучашлыме.
Регион вуйлатыше корным чоҥышо-влаклан пашам сайын шуктымылан тауштен. Марий Эл корным чоҥымо кӱкшыт дене Российыште 13 верыште.
Комментариев: 0