Параньга районын вияҥмыже, теле-шыже пагытлан ямдылалтме, вакцинаций, кундем-влакым тӱзатыме нерген регион вуйлатыше район администраций вуйлатыше Альфит Ибраев дене вашлиймаште мутланен. Тений ты кундемыште 3, 9 миллион теҥгелан ялозанлык продукцийым ыштен налыныт, кокла пашадар 26 тӱжем теҥгешке шуын. Тачысе кечын районышто ик ялшотан илемыште веле – Элнет кундемыште газ уке, вес ийын проектым ышташ тӱҥалыт, а 2023-2024 ийлаште пуртен шуктышаш улыт. Тений тыгак Параньга школым капитально тӧрленыт, школласе пищеблоклаште у оборудованийым налыныт, спортинвенарьым уэмденыт. Параньга район Элнетыште 250 ий ончыч чоҥымо черкым тӧрлат. Тудлан проектым ышташ тӱҥалме нерген регион вуйлатыше Александр Евстифеев эше 4 ий ончыч сай могыр гыч аклен, проектлан республике бюджет гыч окса ойыралтын, кызыт тушто чоҥышо, реставратор-влак тыршат.
Комментариев: 0