14:05, 26-10-2021Районлаште медучреждений-влакым тӧрлат

Районлаште медучреждений-влакым тӧрлат. Тыге мутлан, Медведево районысо Азаново участковый эмлымверыште леведышым ачалыме. 

Республикысе тазалыкаралтыш министерствын увертарымыже почеш, паша модернизаций программе почеш шукталтын. 2 пачашан кермыч зданийым кодшо курымын 90-ше ийлаштыже ыштыме. Леведыш шукертак лунчырген, садланак кӧра, медперсоналлан да эмлалтше-влаклан йӧндымылык лектын. Тачысе кечын Азаново эмлымверыште паллиативный полыш отделений верланен, тыгак терапий профиль дене стационар. Больницыште 40 еҥ пашам ышта. 

Тыгак палемдыман: 2021 ийыште модернизаций программе кышкарыште кундемна мучко 6 эмлымверым олмыктат. Паша Волжский, Морко, Шернур, Курыкмарий да Советский районлаште шукталтеш.