Российыште коронавирус дене кылдалтше чарымашым кӱртньыгорно транспортышто пассажир-влаклан кораҥденыт. 21 март гыч торашке кайыше поездлашке медицин маскым чийыман огыл, температурымат висаш огыт тӱҥал. Россий кӱртньыгорно тидым элыште эпидемиологий ситуацийын саеммашыже дене умылтара. Тыгодым вагонлаште да вокзал кумдыкышто дезинфекцийым ончыкыжымат ышташ тӱҥалыт. Ушештарена, таче Йошкар-Ола гыч поезд дене Москва, Санкт-Петербург да Владимир марте каяш лиеш, план дене келшышын кеҥежым Йошкар-Ола гыч Адлер марте поездым колташ шонат.
Комментариев: 0