Морко районышто производствым вияҥдат, корным тӧрлат. Регион вуйлатышын пашажым жаплан шуктышо Юрий Зайцев районысо «Полимер Лимитед» компанийын пашажым аклен. Предприятий пуч-влакым луктеш, нуным газопровод да трубопровод-влакым ышташ кучылтыт. Компанийын директоржо Николай Пеплайкин палдарен: предприятий российысе производитель -влакын сырьёштым кучылтеш, ыштен лукмо продукцийын качествыжым шке лабораторийыштыже терга. Предприятийыште 51 еҥ тырша, нунын кокла пашадарышт 78 тӱжем теҥге. Чыла продукций сертификацийым эртен, ий гыч ийышке тудлан йодмаш кушкеш. Тӱҥ шотышто продукцийым Россий регионлашке колтат.
Комментариев: 0