Марий Элын калык кидмастарже Лидия Веткина тӱр мастарлык нерген. 

Марий Элыште грипп дечын вакцинаций тӱҥалын. Шукыж годым йоча-влаклан «Ультрикс Квадри» да «Совигриппым» ыштат.  Вакцинацийын кӱлешлышке,  грипп, ОРВИ дечын аралалтме нерген Семеновкысо врачебный амбулаторийын педиатрже, Марий Элын сулло врачше Рита Тойшева дене мутланена. 

Конкурсыш ушно да шке нергенет палдаре. Марий Элысе тӱвыра министерстве ден Чавайн лӱмеш книгагудо «Идалыкын книгаже-2024» конкурсым увертареныт. Конкурсант деч йодмашым 21 ноябрь марте погат. Сеҥыше-влакын лӱмыштым Марий тиште кечын, 10 декабрьыште, палдарат. Йодмашым республикысе, муниципальный да частный издательстве, книгам савыктыме моло учреждений да организаций, автор, кусарыше, сӱретче-влак пуэн кертыт.  

Юл кундем федерал округысо регион-влакын эн сай постановкыжым ойыраш ямдылалтыт. 11 сентябрь гыч «Театральное Приволжье» конкурсыш йодмашым погаш тӱҥалыныт. Ты фестиваль Юл кундемысе федерал округышто Россий Президентын ӱшанъеҥже Игорь Комаровын темлымыж почеш эрта. Фестиваль чумыр Юл кундемысе йоча ден самырык театр сообществым иктыш уша да ик эн кугу проектлан шотлалтеш. Икымше гана «Театральное Приволжье» фестиваль 2019 ийыште лийын да тылеч вара тудым кажне ийын эртарат. Марий Элысе коллектив-влак кажне гана ушнат. 

Рувики лÿман у интернет энциклопедийыште экзамен-влакланат ямдылалташ лиеш.  Тидыже тунемшылан эшеат йöнанрак. Кузе да кушто тидым ыштыман? Темлыме материал-влак тергалтыт мо? Тидын нерген кумданрак палдарена. 

Киндылан тауштена. Республикысе Марий тӱвыра рӱдер «Угинде» пайремым эртараш ямдылалтеш. Пайрем йӱла дене палдараш, киндын кӱлешлыкшым да тудын илыш куатшым ончыкташ виктаралтын. Тудым 2014 ий годсек кумдан палемдат. Тений «Угинде» 12 октябрьыште Чарла Кремльыште лиеш. А тылеч ончыч 26 сентябрьыште пайрем вашеш икымше гана семинарым эртарат. Кумданрак сюжетыште.  ​​​​

Йошкар-Оласе 19-ше школын кадетше-влак Москваште эртаралтше военно-патриотический мероприятийыш ушненыт. Тунемше-влак Александровский садыште Палыдыме салтакын шӱгар ӱмбакыже венок ден пеледышым пыштеныт. Тыгак эше икмыняр  вере лийыныт. Кумданрак Кристина Быкован сюжетыштыже. 

Эртыше ийым иктешлен, у тунемме идалыклан паша план дене палдареныт. Йошкар-Оласе 32-шо номеран школышто директор-влак дене погынымаш эртен. Тушко республикысе чыла школ директор, туныктыш виктем ден Туныктыш да шанче министерствын вуйлатышышт погыненыт. Погынымаште 2023-2024 ийыште туныктымо системышке пурталтше вашталтышым иктешленыт. Марий Элысе туныктыш да шанче министр Лариса Ревуцкая у тунемме идалыкыште пурталтше вашталтыш да регионышто туныктымаш системым вияҥдыме нерген ойлен. 

«Шытенак лектыт мут-влак шӱм-чон гочын» - сылнымут вашлиймаш. Марий поэзийым йӧратыше-влакым 19 сентябрьыште Валентин Колумб лӱмеш йоча да самырык-влаклан республикысе книгагудышто поэтессе Альбертина Иванова дене вашлиймашке вучат. Олык Ипай лӱмеш марий комсомол премийын лауреатше, Марий Элысе сымыктышын сулло деятельже Альбертина Иванован творчествыже марий сылнымутышто посна верым налеш. Тыгак поэтессе самырык автор-влак дене кугу пашам шуктен шога. 

Марий Элын чапшым Россий кӱкшытыштӧ аралаш ямдылалтеш. Никита Пчёлкин «Флагманы образования» Всероссийский конкурсын 300 финалист-влак коклашке логалын. Конкурс «Россия – страна возможностей» президент платформын проектше кышкарыште эртаралтеш. Октябрь тӱҥалтыште финалист-влак шке шинчымашыштым да моштымашыштым Волгоградыште тергаш тӱҥалыт. Тушко Марий Эл гыч Никита Пчёлкин кая. Финалист дене мемнан съемочный группына вашлийын.