«Наҥгае мыйым, корно». Тыге маналтеш самырык возышо, Виктория Матвееван, у книгаже. Тудым «Светлана» сылнымут фондын полышыж дене савыктыме. Кумданрак Кристина Быкован сюжетыштыже. 

Шыже толмо дене республикын районлаштыже шыже кумалтыш-влак тӱҥалыт. Шушаш рушарнян Йошкар-оласе «Марий кумалтыш» общине рӱдола воктенысе Тумер отышто Мер кумалтышым эртара. Тушто пурлык дене кумалаш тӱҥалыт. 

«Салтак-влаклан полшаш». Тыгай шонымаш тӱжем дене калыкым иктыш уша. Сандене специальный сарзе операцийыште улшо рвезе-влаклан кажныже кертмыж семын полша. Нунын коклаште «Саскавий» марий ӱдырамаш мер ушем. Кызыт ме мутнам ушемын вуйлатышыже Людмила Кошкина дене вашталтена. 

Полышым налыныт. 6 тонн утла гуманитар полыш специальный сарзе операцийыш мемнан салтакна-влаклан миен шуын. «Мари ушем» регионысо мер организаций, республикысе марий тӱвыра рӱдер ынде 12-шо  гана гуманитар полышым чумыреныт. Кумданракын черетан материалыште. 

«Кугу Какшан» заповедникын шанчыеҥже Геннадий Богданов.
 

Йоча-влаклан пӧлек. «Марий книга издательство» савыктыш пӧрт тений 20 август гыч 20 сентябрь марте йоча книга тылзым эртара. Акций шинчымаш кечылан пӧлеклалтын. Тидын нерген ме кызыт савыктыш пӧртын директоржо Эдуард Иманаев дене мутланена. 

Йошкар-Оласе 11-ше номеран лицейыште «Кванториум» технопарк почылтын. Класс ден лабораторийым тунеммаште кучылталтше да кызытсе илышлан келшен толшо оборудований дене пойдареныт. Ынде тыште урокым эртараш, тыгак урок деч ӧрдыжсӧ да проект пашашке ушнаш лиеш. 

Марий Турек районын онаеҥже Михаил Айглов кумалтыш-влак нерген. 

М. Шкетан лӱмеш Марий кугыжаныш драме театр у тургымым почын. Ончышо-влакым оҥай, шонаш таратыше спектакль-влак вучат. 106-шо тургымым театр премьере дене почын. «Микулан - презе, Якулан - ӱдыр» спектакль эрвелмарий илыш гыч налме музыкальный историй чын событий-влак негызеш чоҥалтын.  У театр тургымым почмаште мемнан съемочный группына лийын.   

Российыште илыше тӱрлӧ калыкын национальный вургемжым угыч  Йошкар-Оласе сценыште ужаш лиеш. 3 октябрьыште «Калык вургем пайрем унала ӱжеш» Российысе национальный костюм конкурс тӱҥалеш. Кок ийлан ик гана эртаралтше кугу фестивальын тенийсе ойыртемже нерген мемнан сюжет.