90 минут – пу скульптур ямде. Йошкар-Олаште спидкарвинг дене таҥасымаш эртен. Кидмастар-влак марий калыкын тотемный янлыкше-влакым бензопила дене пӱчкеденыт.  Конкурсышто 7 скульптурым ямдыленыт. Таҥасымашым мемнан съемочный группына эскерен.                                                             
 

«ЛизаАлерт» кычалше-утарыше отрядын волонтержо Александр Кольцов. 

Ялозанлык илыш дене тӧр вияҥеш. Колхозлаште таче цифровой технологий, электрон йӧн утларак шыҥдаралтыт. Шурным коштымо станций-влак ондакысыла солярке дене огыл, газ дене пашам ыштат, весовой-влакат электрон йӧн дене висат. «Родина» колхозын у технологийже дене Вера Горохова палыме лийын.             

Археологий да историй тоштерыште марий археолог-влакын «Предмет. Образ. Символ. К истокам марийской культуры» книгаштым презентоватленыт. Тылеч ончыч тудын презентацийже Москвасе ВДНХ-ште «Россия» форум-ончерыште лийын. Книгашке мемнан эра деч ончыч 10 тӱжем ий гыч тӱҥалын 11 курым марте археологий предмет-влакым чумырымо. 

Курчакым йöратыше-влаклан И.С. Ключников-Палантай лӱмеш тӱвыра да сымыктыш колледжыште 12-13 августышто вступительный экзамен-влак эртеныт. Ӱдыр-рвезе-влакым  курчак театрын артистше лияш ямдылаш тÿҥалыт. Экзаменыш мемнан съемочный группына миен. 

19 ий Марий Эл Радио дене пырля. Эртыше каныш кечын Патриарший площадьыште кугу муро пайрем лийын. Марий Эл Радион кенеж концертше тений историйыште икымше гана Йошкар-Олан кечынже эртаралтын. Пайрем концерт гыч Вера Горохован видеоматериалже.      

Марий ялыште – марий спектакль. М. Шкетан лӱмеш марий кугыжаныш драме театр Морко район Марий Кужер ялыште «Кеҥеж йӱд» спектакльым ончыктен. Тудо Морко районын 100 ияш лӱмгечыжлан сай пӧлек лийын.
 

Марий Эл Российысе гастрономический картыш пура. Тыгай иктешлымашым «Йошка еш» регион-влак кокласе гастрономический фестиваль деч вара ыштеныт. Тудо тений 2-шо гана лийын. Юл кундемысе регионла гыч 20 участник шке калыкын кочкышыжым ямдылен.
 

Сорла тылзе саскам да киндым погымо тургым. Лачак августышто православий йӱлам кучышо-влак спас пайремым палемдат. 14 августышто - Мӱй спас, 19-ште – Олма спас да сорла тылзын 29 кечынже Пӱкш спас палемдалтеш. Пайрем-влакын историйышт нерген кумданрак черетан материалыште.
 

Йошкар-Олан лÿмгечыже вашеш Лидия Иксанован «Лучший город на Земле» почеламут сборникше лектын. Тушко Йошкар-Олалан возымо муро да почеламут-влак пуреныт. Кумданрак Кристина Быкован сюжетыштыже.