«Йолгорно» скандинав коштмаш республикысе рӱдерын директоржо Алексей Алексеев.
Республикыште «Марий кеҥеж» фестиваль почылтын. Фестиваль 31 август марте эрта. Тиде жапыште 30 утла площадкыште мероприятий-влак лийыт. Тиде Рӱдӧ парк, Патриарший площадь, Сеҥымаш да Чавайн бульвар, Республикын да Пресвятой Дева Мариян площадьышт. Тӱшка мероприятий-влак кажне кугарнян, шуматкечын да рушарнян эртаралташ тӱҥалыт. Йоча-влакым аралыме тӱнямбал кечын Никонов лӱмеш площадьыште лийше мероприятийыште икшыве-влакым саламленыт.
25 ий шуйнышо поро йӱла. 1999 ийыште икымше Юмынаван Седмиезерный иконыж дене крестный ход лийын. Тудо Марий Элын да Йошкар-Олан архиепископшо Иоаннын благословитлымыж почеш Волжск оласе «Всех скорбящих радость» храм гыч Петъялысе святитель Гурий храм марте. Тылеч вара маршрут кажне ийын кумдаҥын. 2000 ийлаште крестный ход Волжский деч посна Звенигово да Морко районлам авалтен. Таче чумыр республик мучко эрта. Тений тудо 26 майыште Волжск оласе святитель Николай Чудотворецын храмже деч тӱҥалын. Участник-влак 2 святыньым наҥгаят: Юмынаван Седмиезерный иконыжым да Петр ден Феврония князь святой-влакын иконыштым.
Йоча-влакым аралыме тӱнямбал кечылан пӧлеклалтше пайрем Звенигово олаштат эртен. Республикын икмыняр район да олалаж гыч ик эн чолга коллектив-влак погыненыт. «Йоча тӱня» пайремыш мемнан съемочный группына миен коштын.
Йоча-влакым аралыме тÿнямбал кечын Шернур поселкышто организатор-влак ача-ава, икшыве-шамычлан тӱрлӧ площадкым ямдыленыт. Пайремыште йочасадыш коштшо да школышто тунемше-влак «Йоча-влак тыныслык верч» муро да стройышто ошкылмо мастарлыкым ончыктышо акцийыш ушненыт. Чап монумент воктеке пеледышым пыштеныт. Тыгак патриотике шӱлышан акцийыш ушнышо йоча-влаклан тамле сийым пуэденыт.
У Торъял районын онаеҥже Алексей Чемеков Шочынава нерген каласкала.
Марий Турек районышто регион-влак кокласе «Келшымаш тулото» йоча фестиваль-слет эртен. Тудо Еш идалыклан да Марий Турек районын 100 ияш лӱмгечыжлан пӧлеклалтын. Слётыш кундемнан эн чолга ӱдыр-рвезе-влакше погыненыт.
31 май - тамакым шупшде эртарыме тӱнямбалсе кече. Тиде кечын мер пашаеҥ, врач, волонтер-влак тӱрлӧ акцийым эртарат. Мутлан, Республикысе наркологий диспансерын специалистше-влак Йошкар-Оласе тӱвыра да каныме паркыште буклетым пуэденыт, тамакын уда могыржо нерген каласкаленыт, умылтарымаш пашам эртареныт.
Чеверын, Йошкар-Ола! Черетан «Майатул» фестиваль мучашлалтын. Гран-прим тений Карел национальный драме театр наҥгаен. Ты кÿкшö наградым нуно «Нора» спектакль дене суленыт. Шкетан лÿмеш марий кугыжаныш драме театрын артистше-влакымат саламлаш лиеш. Алексей Тетерин дене Светлана Строганова рольым сайын модмыштлан лауреат лÿмым налыныт. Композитор Григорий Архиповым «Йÿксалче» спектакльым эн сайын сöрастарымыжлан палемденыт. «Эн сай режиссур» номинацийыште - «Гамлет. Машина. Цемент» спектакльым шындымыж дене Степан Пектеев ойыртемалтын. Лачак тиде спектакль дене «Майатул» фестиваль почылтын.
Интернет мошенник-влак калыкым ондалаш эре у йӧным шонен луктыт. Тидлан кӧра моткоч тӱткӧ лийман. Пытартыш шымлымаш почеш Российыште илыше 60% утла еҥ интернет-мошенничество дене вашлиялтын.
