Шереметев замкыште «Шедевры Поволжья» у ончер проект почылтын. Тошто вургем, живопись да скульптур замок интерьерыште шке верыштым муыныт. Ончер туризм тургым мучко пашам ышташ тÿҥалеш.

Эн сай тоштер да эн сай тоштер пашаеҥ-влакым саламленыт. Республикыштына тыгаяк лӱман черетан конкурсым иктешленыт. Районысо, частный, кугыжаныш, школ да вуз-влак пелен улшо тоштер да нунын пашаеҥышт 2018 ий годсек таҥасат. Ӱмаште Юл кундем федерал округысо этапыште Марий Эл гыч тоштер пашаеҥ-влак 4 наградым конденыт. Теният сеҥыше-влак республикын чапшым ПФО-што аралаш тӱҥалыт.

Юнкор-влакым погат. «Ямде лий» газетын йӱлаш пурышо юнкор слётшо тений «Марий юнкор» усталык школ семын 5 июнь гыч эрташ тӱҥалеш. Калыкле сымыктыш школыш возышо йоча-влак чыла гаяк район гыч толыт.

Марий Элысе туныктыш да шанче министрын алмаштышыже Валентина Гаврилова.

Орлятский слёт икымше гана. Советский районысо Ӱшнӱр кыдалаш школышто Орлята-влакын спартакиадышт эртен. Тудо «Навигаторы детства» Российысе проект почеш эртаралтын.

«Алиса в стране чудес» хореографий сынан спектакль Россий кÿкшытан студент проектын грантше верч таҥасаш тÿҥалеш. Шукерте огыл тудын премьерыже Сеҥымашын 30-шо идалыкше лÿмеш тÿвыра полатыште эртен. Спектакльын режиссержо - Эрик Сапаев лÿмеш опер да балет театрын уста артистше Алексей Чистяков.

Йошкар-Олаште Бауманский лицей почмо омса кечым эртарен. У тунемме идалык гыч 10 классыш тыште технологический, естественно-научный, социально-экономический виктыш дене ӱдыр-рвезе-влакым погат. Тыгак 1 сентябрь гыч «Журналистике да медиа» профиль дене класс лиеш. Тыгайже историйыште икымше гана. Чылаже 30 наре тунемшым погат. У виктыш нерген кумданрак Эльвира Петрова палдара.

Морко районышто «Мо? Кушто? Кунам?» интеллектуал модышым эртареныт. Тудо районын 100 ияш лÿмгечыжлан пöлеклалтын. Уш-акыл таҥасымашке районысо ялшотан илемла гыч вич команде ушнен. Нунын коклаште тунемше-влакат лийыныт.

Тӱвыра инициативе шотышто президент фондлан - 3 ий. Тудо 2021 ийыште элнан президентше Владимир Путинын указше почеш шочын. Фонд тӱвыра, сымыктыш, креативный индустрий алан дене кылдалтше проект-влаклан полшымо амал дене ышталтын. Тиде жапыште Россий мучко 7 тӱжем утла проект полышым налын. Тышечын 14-ше Марий Эл гыч. Кумданрак Эльвира Петрован сюжетыштыже.

Советский районын онаеҥже Григорий Виногоров марий йӱлаште шийын верже нерген каласкала.