Ача-авам да икшыве-влакым иквереш ушен. Эртыше каныш кечылаште Йошкар-Олаште «Мы – туристическая семья» кугу еш фестиваль гӱжлен. Тудо Марий Элын кажне гаяк районжо гыч 50 наре ешым чумырен. Командылаште нылыт але утларак еҥ лийын. Ты еш пайремым «Движение первых» регионысо толкын да «Роза ветров» рӱдер пырля эртареныт.
2 тӱжем наре артист ик сценыште. Кундемна «Марий Эл – место силы» лӱман республикысе калык усталык фестивальлан ямдылалтеш. Тудо 7 октябрьыште тӱҥалтышым налеш. Тушко муро да куштышо ансамбль, вокально-хоровой, театр да фольклор коллектив-влак, духовой оркестр ушнат. Ты пайремым республикын чыла олалаж ден районлаж гыч мурызо-влак сӧрастарат. Кызыт тиде мероприятийлан усталык коллектив-влак кыртмен ямдылалтыт.
Тений марий классик, сылнымутлан тӱҥалтышым пыштыше Сергей Чавайнлан 135 ий. Тудым жаплен да чапландарен, кундемыштына тӱрлӧ мероприятий эртаралтеш. Мутлан, Шкетан лӱмеш Марий Кугыжаныш драме театр 105 у тургымжым Сергей Чавайнын лӱмгечыжлан пӧлеклалтше «Элнет» спектакль дене почын.
Уста да виян специалист-влаклан награде. Вашке литературышто, сымыктышыште, архитектурышто, шанче пашаште, производство да ялозанлыкыште Кугыжаныш премийым налше еҥ-влакын лӱмышт пале лиеш. Кызыт жюри претендент-влакын пашаштым акла. Тений нуно 25 –ын улыт. Тачысе выпускышто иктыж дене кумданрак палдарена.
«Марий Эл ТВ»: Интервью с директором Верхушнурской школы Советского района, Народным учителем РМЭ Галкиным В.Ф. «Актуальное интервью» с Лирой Матвеевой.
Марий сылнымутлан негызым пыштыше писатель Сергей Чавайнын шочмыжлан 6 октябрьыште 135 ий. Тиде кугу дате кышкарыште тӱвыра тӧнеж, книгагудо да школлаште почеламутым лудмо конкурс, акций, семинар-влак эртаралтыт. Тыгак 2 гыч 6 октябрь марте Сергей Чавайнын арняжым увертареныт.
Кадет мастарлыкыштым Белоруссийыште ончыктеныт. Ургакш посёлкысо лицей-интернатын кадетше-влак «За честь Отчизны» граждан-патриот кадет смене гыч сеҥымаш дене пӧртылыныт. Патриот смене тений 16-шо гана эртаралтын. Тушко Россий да Беларусь республикыла гыч 21 делегаций ушнен. Ты радамыште Советский районын 12 кадетше. Нуно Марий Элын чапшым кӱкшын араленыт.
Марий йӱла: о работе общины «Марий кумалтыш» Советского района.
У тунемме идалыкыште школлашке икмыняр вашталтыш пурен. Йоча-влакым шуарыме шотышто директорын советникше, кугырак класслалште тунемше ӱдыр ден рвезе-влаклан профориентаций паша, 10 да 11 класслаште тунемше-влак историй предметым у учебник дене тунемыт, тыгак патриотизм шӱлышлан кугу тӱткыш ойыралтеш. Тидын нерген директор-влакын форумыштышт ойленыт. Тыгай вашлиймаш икымше гана лийын. Бауманский лицейыште 160 директор очно вашлийыт, а молышт онлайн ушненыт. Шернур район Лажъял кыдалаш школын директоржо Людмила Веткина дене лишкырак палыме лияш йӧн лекте.
Пошкудо ден пошкудо коклаште младым тавалыме йодыш уке-уке да лектеш, суд гочат тудым рашедымаш марте шуаш лиеш. Тыгайыш шуаш огыл манын, межеванийым ышташ темлат. Тачысе кечын тудо обязательный радамыш огеш пуро, но мландым ужалыме годым тудо лийшаш. Межеваний нерген йодышым Росреестрын специалистше рашемдаш полшен.
