4 ийлан ик гана. Марий Эл 12-шо Марий погынлан ямдылалтеш. Тудо вес ийын шыжым Йошкар-Олаште лиеш. Республикысе Виктерыште съездым эртарыме радам шотышто оргкомитетын погынымашыже эртен. Тушто мероприятийын планжым пеҥгыдемденыт.

Спецоперацийыште улшо, боевой действийын ветеанже, нунын ешыштлан республикыште тӱрлӧ шӧрынан полыш ойыралтеш. Икмыняр тылзе ончыч «Защитники Отчества» фондым ыштеныт. Республикыште тудо Ленинский проспект 24Д адрес дене верланен. Тушко кажныже толын, полыш нерген умылен кертеш. Ты гана фондын пашаже дене Марий Эл кугыжаныш погынын депутатше-влак палыме лийыныт. Тушто депутатын кечыже, тыгак Кугыжаныш Погын Президиумын заседенийже лийын.

Марий Элым географий уроклаште тунемыт. Икмыняр школышто тиде предмет дене инновационный площадке пашам ышта. Тудлан программым, учебникым, эсогыл алтасым да контурный картым шанчызе-влак 20 ий утла ыштеныт. Тиде методике комплексым российысе проектыште ончыктат. «Россия-страна достижений» проект регион-влакын эн ойыртемалтше кӱкшыштышт дене палдара. Тунемме пособий дене мыйын коллегем-влак палыме лийыныт.

Уло Россий гыч марий-влак пырля чумыргат. Октябрь тылзыште Йошкар-Ола тӱрлӧ регионла гыч унам вашлиеш. Марий мер каҥаш шыже сессийым эртараш ямдылалтеш. Тӱҥ йодыш-влак: Марий мер илышыште вашлиялтше йодышым рашемдаш, марий калыкын тӱрлӧ аланыште виктарыме пашажым иктешлаш да ончыкыжым эшеат саемдаш.

Фестивальлаште шке моштымашыштым ончыктеныт. М.Шкетан лӱмеш марий Кугыжаныш драме театр Екатеринбург, Саранск да Озаҥ олалаште эртыше фестивальлашке миен коштын. Пытартыш кок арня театр пашаеҥ-влаклан тӱвыргӧ, лектышан лийын. Фестивальлашке коштмо нерген кумданрак – материалыште.

Тӱвыра пӧрт ден клуб-влак у тургымлан ямде улыт. Кызыт республикысе 284 тӱвыра тӧнежыште тӱжем наре еҥ пашам ышта. Нунылан идалык мучко икмыняр гана туныктымо семинар-влак эртаралтыт. Эртыше кечылаште Республикысе калык усталык рӱдер районласе тӱвыра пӧлкам вуйлатыше-влаклан у тургымым тӱҥалме шотышто семинарым эртарен. Клуб пашаеҥ-влак дене мемнан корреспондентна вашлийын.

«Марий Эл ТВ»: Интервью о новом сезоне с художественным руководителем Марийского театра юного зрителя Олегом Иркабаевым. «Актуальное интервью» с Лирой Матвеевой.

Марий йӱла: Ираида Степанова о подготовке к марийским молениям.

Марий Эл Республикын тӱвыра, печать да калык-влакын пашашт шотышто министерсвым ыштымылан 70 ий. Тиде лӱмгечым кумдаҥдыме коллегийын заседанийыштыже палемденыт. Ведомствын вияҥ толмо корныштыжо министертсвын лӱмжӧ, вуйлатышыже-влак вашталтыныт. Но тӱҥжӧ тудо республикыште илыше калылын тӱвыражым, сымыктышыжым вияҥдыше тӧнеж-влакын пашаштым ушышо, виктарыше ведомство. Кумдаҥдыме коллегийын заселанийыштыже отрасльыште кӱкшытыш шушо –влакым саламленыт.

«Марий Мурсем» мурышо да куштышо студент ансамбль тачысе кечын шукыштлан палыме. 20 ий жапыште тудо ятыр сеҥымашыш шуын. Ӱмаште ансмабль Олык Ипай лӱмеш кугыжаныш премийын лауреатше лӱмым сулен. Ансамбль кузерак вияҥеш? Мо дене тудо ила? Нине йодыш-влаклан вашмутым Кристина Быкова кычалын.