Гражданиным да патриотым куштымо амал дене. Марий Элыште юнармий сарзе-патриот толкын утыр вийым налеш. Ты движений элыштына 2016 ийыште шочын. Республикыштына тачысе кечылан 178 юнармий отряд уло. Нуно идалыкыште икмыняр гана слётыш чумыргат. 8-ше шыже слёт «Авангард» сарзе-патриот рӱдерыште эртен.

Ночко шыжым, йӱштӧ игечым кунам вучыман? Октябрь могайрак лиеш? Тидын шотышто шке шонымашыже дене кужу жап игечым эскерыше Геннадий Рыбаков палдарен.

Республикын районлаштыже шыже кумалтыш-влак тӱҥалыныт. Тӱҥ шотышто шыже пагатыште отышко чонан дене лектыт. Кажныже кумалтышке киндым да сортам конда. Йошкар-Ола воктене шыже кумалтыш шушаш рушарнян лиеш. Отышко поро кумыл да шонымаш дене гына мийыман.

Марий самырык театрыште черетан премьере. 33-шо тургымым коллектив у спектакль дене почын. Тудо «Чодыра Юзо - Овда» маналтеш. Режиссер-постановщик Эрвина Гордеева. Театрын у тургымжо да премьерыже нерген кумданрак сюжетыште.

Угарман кундемыште марий пайрем йӱлам ончыктен, лауреат лӱмым наланыт. «Морко кундем» ансамбль ««Финн-угор транзит» калык сымыктыш фестивальыш миен коштын. Тудо Нижегородский областьыште эртаралтын. Марий коллектив армийыш ужатыме йӱлам ончыктен.

Пеледышым йӧратыше ӱдырымаш. Кужэҥер район Ӱштымбал ялыше илыше Алёна Яндулина шке шонымашыжым илышыш шыҥдарен. Тачысе кечын тудо пеледышым ончен кушта, тыгак тудым ужала. Петунья пеледыш калыкыште йодмашан, садланак тудын сад пакчаштыже икмыняр урлык кушкеш.

Школлаште тунемше-влакым сай качестван да тамле кочкыш дене пукшаш. Йоча-влаклан таза кочкыш рӱдер ончылно лач тыгай задаче шога. У тунемме идалыкым у оборудований дене тӱҥалыныт. Туште менюм келыштарен, школласе кочмыверлашке когыльо ден пелефабрикатым колтат. Тыгак сентябрь мучаште школлашке эше вес вашталтыш пурен. Йоча-влак тиде кечылаште икымше гана эше ик марий кочкышым тамленыт. Кумданрак сюжетыште.

Шинчымаш кугорно.

Тӱрлӧ ийготан, тӱрлӧ пашам шуктышо-влак яра жапыште марий йылмым тунемыт. Мер ушем марий йылме курсым уэш эртара. Ты гана тудым университет да шымлыше институт дене пырля чумыреныт. Тунеммаш В.Васильев лӱмеш шымлыше институтышто эртаралатеш. Кумданракын черетан сюжетыште.

Сеҥымаш дене пӧртылыныт. Марий аварийно-утарыше службын пашаеҥже-влак Мордовий Республикыште эртыше утарыше-влак коклаште многоборье дене 1 открытый таҥасымашке миеныт. Тушто Юл кундем федерал округ гыч 7 команде участвоватлен. Мемнан марий утарыше-влакын командыже тушто кокымшо верым налын.