Сарын, кредалмашын, салтакын патырлыкшым аралыше кум лукан серыш-влак канде экран гыч йоҥгалтыт. Сеҥымаш кече вашеш «Марий Эл ТВ» да «Марий Эл Радио» спецпроектым ямдылат. Кугу Ачамланде сар жапыште фронт гыч возымо кум лукан серыш-влакым Марий Эл Радион пӧръеҥ вӱдышыжӧ-влак лудыт. Фронтовой серышым кундемнан палыме краеведше Леонид Киртаев чумырен. Салтакын пӱрымашыжым аралыше документ-влакым тудо пел курым пога. Тачысе кечылан 500 наре серышым чумырен.

Марий Элыште «Идалыкын туныктышыжо», «Идалыкын воспитательже» да «Марий йылмым эн сайын туныктышо» конкурс-влак эртат. Тений чылаже 38 еҥ таҥаса. Тышечын 5-ше - марий йылмым туныктышо. Кӧмыт нуно улыт да уроклаште могай методикым кучылтыт? Марий йылмым туныктышо конкурсант дене мемнан съемочный группына вашлийын.

2 ужаш.

Йот элла гыч студент-влакым марий калыкын илыш-йӱлаже да ыштыш-кучышыж дене палдарат. Руш йылме дене кайыше экскурсий тунамак йот йылмышке кусаралтеш. Тыгай практикым Т. Евсеев лӱмеш тоштер ынде 3-шо ий почела илышыш шыҥдара. Ты марте англичан йылмыш гына кусареныт гын, тиде гана эше француз йылмым авалтеныт. Ик тыгай экскурсийыште Эльвира Петрова ден Владимир Бирюков лийыныт.

Тазалык дене эмганен вияҥше-влак шке моштымашыштым тергат. Марий Элыште 23 гыч 26 апрель марте «Абилимпикс» чемпионат эрта. Тений тудо 200 утла участникым чумырен. Нуно 27 категорий дене таҥасат. Тышечын 13-шо йоча-влаклан, 17-ше – суз ден вузласе студент да 11-же – специалист-влаклан. Икымше гана 3 компетенций дене «Фестиваль возможностей» лӱман вашлиймаш лиеш. Тыгак программышке 2 у компетенций - «Банковское дело» ден «Лоскутное шитье» - пурен. Тений регионысо чемпионатын участникше-влакым 5 суз вашлиеш.

«Изи памаш» йоча фольклор ансамбльлан – 40 ий. Тачысе кечынат ты уста коллектив чап лӱмжым пеҥгыдын куча. Йошкар-Оласе 14 гимназий пеленсе йоча коллективышке 42 йоча коштеш. Ансамбль нерген кумданрак Лира Матвееван материалыштыже.

Марий Элысе тӱвыран сулло пашаеҥже Людмила Пашуткина.

«Россия» форум-ончерыште марий СМИ-влак шке пашашт дене палдареныт да уна-влаклан Марий Эл нерген каласкаленыт. Республикынан стендше деке тÿрлö калык лишемын. Кумданрак Эльвира Петрован сюжетыштыже.

Спектакльын тӱҥ шонымашым кажне зритель шкаланже шке шонен мушаш. Шкетан лӱмеш марий кугыжаныш драме театрыште черетан премьер лийын. «Кузе гын марлан лекташ огыл» у постановкым сценыш Алексей Ямаев луктын.

Марий калыкын тӱҥ онаеҥже Александр Таныгин 2024 ийысе кумалтыш да паша радам нерген каласкала.