«Россия» форум-ончерыште тазалык кече эртен. Марий Элын стендыштыже тӱрлӧ площадкыште тӱжем наре еҥ лийын. Уна-влак шке кид дене йоча пледым пидыныт, релаксаций, посна шӱлымӧ технике, арт-терапий диагностике дене мастарлык-классыште участвоватленыт. Кажне кумылан еҥ кидлан массажым ыштыктен кертын. Тыгак шочмо палым тергыкташ йӧн лийын. Марий Элысе специалист-влак 4 шагат жапыште 150 еҥым онченыт.

Тӱрлӧ национальностян еш-влаклан пӧлеклалтше у фестиваль. Марий-влакын федерал тӱвыра автономийышт черетан субсидийым сенен налын. Сеныме гранд дене «Калыкле еш йӱла» фестивальым эртара. Тудо Российыште увертарыме еш идалыкын кышкарыштыже лиеш.

Мужыраҥме кечын эше ик йӱла. Самырык мужыр ЗАГС-ыште шергашым чия, вальсым кушта. Ынде тиде радамышке эше ик йӱла ешаралтеш. Идалык мучко ӱдыр ден каче еш тулым чӱктен кертыт. Тулым регионлашке Москошто еш идалыкым пайремлын почмо годым колтеныт. А эртыше кечылаште Йошкар-Оласе ЗАГСыште икмыняр самырык мужыр еш тулым чӱктен. Нунын радамыште Эдуард ден Полина Шабалинмыт лийыныт.

Марий Эл ТВ: Центр марийской культуры проводит фестиваль «Родной язык - народное богатство».

Каныш кечылаште уло еш дене театрыш! М. Шкетан лӱмеш Марий кугыжаныш драме театр лач тыгай акцийым эртара. Тудын кышкарыште йоча дене пырля толшо ача-ава-влаклан спектакль деч посна кумда программым темлат. Нунылан мастарлык классым ончыктат, марий семӱзгар дене палымым ыштат. Тыгак Шкетан театрын тоштерыштыже экскурсийым эртарат. Палемдыман, Шкетан театр «Семейные выходные» акций дене Российыште увертарыме «Уло еш дене» проектышке ушна.

8 февраль – Россий наукын кечыже. Тиде кечын Пётр I Кугыжан кӱштымашыж почеш Россий шанче академийым почыныт. Нине пайрем-влакым шотыш налын 9 февральыште Валериан Васильев лӱмеш йылмым, сылнымутым да историйым шымлыше марий иститутышто шанче сессий эрташ тӱҥалеш. Тудын тӱҥ шонымашыже – калыкым шанче пашан лектышыже дене палдараш, самырык тукымым шымлыме пашалан кумылаҥдаш.

«Земский туныктышо» программын условийже могай?
«Земский туныктышо» программыш ушнаш документ-влакым кузе пуыман?
«Земский туныктышо» программе почеш школыш куснышо туныктышылан льгото аралалтеш мо?
Республикысе могай районлашке туныктышо-влак огыт сите?

Республикыштына скандинавийысе коштмашлан кумылан-влакын чотышт ий еда кушкеш. «Пойдем ходить, Республика» проектлан кӧра Йошкар-Олаште илыше кажне кумылан еҥ спортын ты виктышыж дене кылым кучен кертеш. Проектым илышыш «Йолгорно» скандинавийысе коштмаш рӱдер шыҥдара. Опытан да тӱҥалше спортсмен-влак арнялан кок гана погынат. Занятий-влак Россий Армий тӱвыра полат ончылно да Сеҥымаш Паркыште эртат. Палемдыман, лач тиде верым «Оласе йырвелым йöнаным ыштымаш» проект кышкарыште саемденыт.

ВДНХ-ште Юл кундемысе калык-влакын тӱвыра кечышт эртен. Мастарлык-класс, вашлиймаш, концерт гоч уна-влак марий калыкынат тӱвыра поянлыкышым аклен кертыныт. Звенигово оласе «ремесло» пӧртын кидмастарже-влак кажне кумыланым марий курчакым ышташ туныктеныт. Рÿдоласе историй тоштер Йошкар-Олан сылнылыкше дене палдарен. Моско гыч кондымо видеоматериалым ончаш темлена.

Книга памятник-влак цифровой форматыште. Сергей Чавайн лӱмеш книгагудын пашаеҥышт 2019 ий годсек книга памятникым цифровой форматыш кусарат. Тачысе кече марте 56 книгам кусареныт. Паша «Тӱвыра» нацпроект кышкарыште шукталтеш. Тений могай книга памятник-влакым электрон форматыш кусарат? Мо дене нуно шерге улыт? Йодыш-влаклан вашмутым мемнан съемочный группына кычалын.