Похожие новости
Мы рекомендуем Вам зарегистрироваться либо войти на сайт под своим именем.
Козьмодемьянск эшеат моторрак да лÿдыкшыдымырак лиеш. Лишыл жапыште тушто икмыняр вере 15 видеокамерым вераҥдат. Кызыт олаште «Формирование комфортной городской среды» федерал проект дене келшышын, Космонавт-влакын бульварыштым да Ош пöрт воктенсе кумдыкым тöрлат. Пашам районысо книгагудо гыч тÿҥалын Ош пöрт марте шуйнышо кумдыкышто шуктат, тыгак корно вес могырышто – 5-ше номеран пöрт да Ленинын чапкÿжö воктене. Кызытсе жапыште тушто бордюрым пыштат. Ош пöрт воктене 5 видеокамерым вераҥденыт, тынарак ончыкыжым бульварыште да «Сияние» скверыште лиеш. Ушештарем, пашан тÿшка акше – 10 миллион теҥге. Тудым идалык мучаш марте пытарышаш улыт.
Тений, план почеш, эше Козьмодемьянск олан историй ужашыжым тÿзатышаш улыт. «Козьмодемьянск – живой музей истории, традиционной культуры и экологии» лÿман проект ÿмаште российысе конкурсышто сеҥыше-влак радамыш лектын да 40 миллион теҥгем сеҥен налын.
Комментариев: 0