Телеканал выпустил интересный материал, посвященный истории основания Йошкар-Олы. Лира Матвеева побеседовала с кандидатом исторических наук Сергеем Свечниковым, а также заглянула в архив на интервью к главному архивисту Госархива РМЭ Алексею Кленову. 
Полыш миен шуын. Специальный сарзе операцийыште улшо мемнан талешкына-влаклан гуманитар полышым намиен шуктеныт. «Мари ушем» регионысо мер организаций да Республикысе Марий тӱвыра рӱдер салтак-влакын йодмашышт почеш, тылзе жапыште гуманитар полышым погеныт.
60 ий утла кӱслем шоктат. Курыкмарий районысо Микрӓк йоча музыкальный школышто кӱслем туныктышо-влак посна ансамбльыш чумырген, марий семӱзгарын сылнылыкше да тудын йӱкшӧ дене палдарат. Кенеж жапыштат туныктышо-влак кӱслем кидыш налын, тӱрлӧ пайремлаште выступатлат.
Тидын деч посна тиде кечылаште мемнан самырк еҥ-влак «Иволга» форумышто шуаралтыт. 24 гыч 31 июль марте Самарский областьысе МастрюкОвский ер пелен «Иволга-2024» форум эрта. Тушко 2000 наре участник ушнен, 40 утлаже Марий Эл гыч. Арня жапыште нуно тӱрлӧ мутланымашке ушнат, проектым аралат. Теве, мутлан, Кугу Порат школын тунемшыже Анна Акмазова ден Шернурысо 1-ше номеран школын туныктышыжо Ольга Горохова шкеныштым эше журналист пашаште тергеныт. Кызыт кӱчык интервьюм ончаш темлем.
Чолга да усталык шӱлышан ӱдыр ден рвезе-влак эртыше кечылаште Крымыште погыненыт. 26-28 июльышто Судак ола воктене Россий кӱкшытан «Таврида. Арт» шуко калыкан сымыктыш фестиваль лийын. Тений тудо 6-шо гана участник-влакым чумырен. Российын чыла регионжо гыч 6 000 наре самырык еҥым ушен. Нуно шке калыкын тӱвыражым, йылме ойыртемжым, муро ден куштымашыжым ончыктеныт. Марий Эл гычат кугу делегаций миен - 30 наре еҥ. Участник-влак тунемме, каныме программыш ушненыт, тыгак марий вургемым чиен кугу шествийыште ошкылыныт.
Йошкар-Олаште эн виян, тале, писе-влакым ойырат. Боевой искусство дене тӱрлӧ калыкын модмашыжым пайремлын Марий Элысе Ий полатыште почыныт. Чылаже тӱжем вич шӱдӧ спортсмен ушнен. Тиде айкидо, шахбокс, корэш, самбо дене таҥасымаш да молат.
Россий Президентын указше почеш 2024 ий ешын идалыкше семын увертаралтын. Идалык жапыште еш-влаклан утларак тÿткыш ойыралтеш, республикыштына ятыр фестиваль, конкурс эртаралтеш. Ик тыгай фестивальыште съемочный группына У Торъял район Токтарсола ял гыч Небогатиковмыт еш дене палыме лийын.
Таза илыш-кучыш дене. Лачак тыге маналтеш Марий Элысе «Сокыр-влак спорт федерацийын» черетан проектше. Ты проект идалык тӱҥалтыште президент грантым сеҥен. Паша мартыштак тӱҥалын. Икмыняр тӱшка занятий шеҥгелан кодын. А шукерте огыл участник-влак Кугу Какшан да Элнет эҥерла дене сплавыш миеныт. Кумданрак черетан материалыште.
«МолодЙошка» форум мучашлалтын, а тушто налме шинчымаш да опыт ӱмырешлан кодын. Тений форум 22 июльышто тӱҥалын да 5 кече шуйнен. Участник-влак ончылно 60 наре спикер выступатлен. Тыгак тений икымше гана Росмолодежь деч грант конкурс эртен. Федерал эксперт-влак ончылно 25 участник шке проектшым арален. Тышечын кандашыжлан грант полышым пуаш темлыме. Ончыкыжым нуно окса полышым налыт. 100 тӱжем гыч тӱҥалын 1 миллион теҥге марте. Чылаже 4 миллион ойыралтын.
Семеновкысо олимпийский резерв училище вашке у сыным налеш. Кызыт тушто модульный спортзалым чоҥат гын, икмыняр жап гыч тунемме корпус ден тÿшкагудым тöрлаш тÿҥалыт. Кумданрак Кристина Быкован сюжетыштыже.
