Пассажир-влаклан йӧнанрак лийын. Республикыште автобус остановко-влакым уэмден вераҥдат. Эн кугу паша «Лӱдыкшыдымӧ да сай качестван корно» нацпроект почеш ышталтеш. Яллаште тыгак у остановко-влакым шогалтат. Тиде пашам верысе администраций шукта.

Эльвира Трифонова шочмо ялыштыже

27 июля в Волжском районе состоится III легкоатлетический кросс "Три храма", посвященный Крещению Руси по маршруту с. Новые Параты (храм Дмитрия Солунского)- д.Никольское (Никольский скит Раифского монастыря) - д.Нижний Азъял (храм святителя Гурия Казанского).

Проектым возаш туныктат да грант конкурслашке ушнаш таратат. Самырык-влаклан «МолодЙошка» республикысе форумышто 4 кечыште республикысе да федерал спикер-влак шке опытышт негызеш тӱвыра да кугыжаныш службо паша дене лишкырак палымым ыштат. Участник-влаклан 6 виктыш дене шинчымашым пуат. Тыгак нуно шке проектыштым аралат. Кумданрак Эльвира Петрован сюжетыштыже.

«Мустафа-Кырла – улына пырля». «Марий книга издательстве» савыктыш пӧрт поэт да киноактер Йыван Кырлан шочмыжлан 115 ий темме лӱмеш у книгам савыктен. Тушко очерк, статья, шарнымаш, почеламут-влак пурталтыныт.

2025 ийлан Тÿвыра инициативе шотышто президент фондын 1-ше грант конкурслан заявкым 25-ше июль гыч пуаш лиеш. Фонд тÿвыра, сымыктыш да творческий индустрий дене кылдалтше проект-влакым илышыш шыҥдараш полша.

Йошкар-Олан 440 ияш лӱмгечыжлан пӧлеклалтше ончер. Марий Элысе Кугыжаныш архив «Чарла альбом» лӱман выставкым ямдылен. Тудо Благовещенский башне пелен верланен. Ончер фото да документ гоч оланан вияҥмыже нерген каласкала.

Кундемыштына марий йылме дене лекше газет-влак кокла гыч икымше сетевой изданий ышталтын. «Марий Эл» газет электрон СМИ семын регистрацийым эртен. Газет 1915 ий годсек савыкталтеш, 10 ий утла шке сайтше пашам ышта. «Илыш ончыко кая. Лудшо-влак деке увер тӱрлӧ йӧн дене миен шушаш. Тидым шотыш налын, сайтнам посна электрон СМИ семын регистрацийым ышташ темленна» - палемда «Марий Эл» газетын тӱҥ редакторжо Светлана Пехметова. Темлымашым кугыжаныш кучем да министерстве сайлан шотленыт, электрон регистрацийым эрташ йӧным ыштеныт.

Сай да йӧнан лийме верч тыршат. Кундемыштына Юрий Зайцевын кӱштыкшӧ почеш мер эскерыше-влакым пеҥгыдемдыме. Тудын еҥже-влак тӱрлӧ инфраструктур проект-шамыч кышкарыште шукталтше пашам тергат. Тыгодым Йошкар-Олам веле огыл, республикысе районламат авалтат. Советский районышто мер эскерыше-влак корным олмыктымо пашам тергеныт. Тыгак Комсомольский поселкышто «Олимпия» спорт площадкым онченыт. Объект-влак нормо дене келшышын да лӱдыкшыдымылык правил почеш вераҥдалтшаш улыт.

Марий Элыште «Спорт кеҥеж» лÿман проект шыҥдаралтеш. Кеҥеж каныш жапыште кажне арнян кудывечылаште еш пайрем эртаралтеш. Йоча да кугыеҥ-влак шке кумдыкыштышт спорт таҥасымашке ушнен кертыт. Ик тыгай пайрем 11 июльышто Анников уремыште эртен.