Морко посёлкышто Районысо ача-ава-влак ушемын погынымашышт эртен. Тушто ешын ончыклыкшо, тазалыкше, икте-весе кокласе кыл да тулеч моло йодышымат лончыленыт. Кугыжаныш Погынын депутатше-влак ешлан пӧлеклалтше, тудын вияҥмыж дене кылдалтше меропритийым районлаште эртарыме нерген Республикын вуйлатышыж деке йодмаш дене лектыныт. Тудо тиде темлымашым сайлаш шотлен. Кеҥеж мучко сессий-влак районлаште эртат.
Спорт нерген умбакыже ешарем. Эртыше шуматкечын Шернур районышто спорт пайремыш погыненыт. 6 июльышто Лажъял кундемын «Дружба» футбол командыже 60 ияш лӱмгече пайремжым футбол матч дене палемден. Турнирыш Дмитрий Веденькин миен.
«Орвам телым ямдыле, а терым – кеҥежым», – ойлат калыкыште. Тиде калыкмут ечызе-влакланат келшен толеш. Вет нуно таҥасымаш сезонлан ончылгочак ямдылалташ тÿҥалыт: тренировкым эртарат, тÿрлö сборыш ушнат. Кеҥежым спортсмен-влак ечыштым ече-роллерлан вашталтат. Тренировкыш мемнан корреспондентна Кристина Быкова миен коштын.
Имнешке-влакын таҥасымашышт – моткоч тошто таҥасымаш. Тудым Центральный Азийыште илыше калык шонен луктын. Икмыняр жап гыч тиде йÿла татар калыкыштат шке вержым муын. Тачысе кечын татар-влак имнешке-влакын таҥасымашышт дене Сабантуй пайремым почыт. Кумданрак Кристина Быкован сюжетыштыже.
Ынде икмыняр ий мемнан элыште Еш, йӧратымаш да ӱшанле улмо кечым кумдан палемдат. Йошкар-Олаштат ятыр мероприятий эртен. Иктыже - С.Г. Чавайн лӱмеш калыкле книгагудышто лийын. Книгагудо пашаеҥ-влак интерактивный площадкым ямдыленыт.
Ик тылзе гыч шке омсажым почаш ямде лиеш. Йошкар-Оласе 32-шо номеран школышто чоҥымо паша мучашке лишемеш. Тачысе кечылан класс, актовый зал, спортзал да моло кабинет-влак ямде улыт. Тушко мебельым вераҥдаш гына кодын. Чоҥалтше школышто Вера Горохова ден Владимир Бирюков лийыныт.
Куштылго атлетике дене спортсмен, краевед, историй науко кандидат - Вячеслав Мартьянов.
Марий калык йӱлам, калык прикладной сымыктышым, кочкышым Россий кӱкшытыштӧ ончыктеныт. Федерал Сабантуй пайремыште Марий Элын чыла районжо да олаже шке кудыжым ямдылен. Чылаже уна-влак 17 кудым акленыт.
Марий калык йӱлам, калык прикладной сымыктышым, кочкышым Россий кӱкшытыштӧ ончыктеныт. Федерал Сабантуй пайремыште Марий Элын чыла районжо да олаже шке кудыжым ямдылен. Чылаже уна-влак 17 кудым акленыт.
У театр тургымым у театрыште почаш палемденыт. Республикысе марий самырык театрын реконструкций пашаже пелыже утла ышталтын. Театрым «Тӱвыра» нацпроект почеш ачалат.
