Баннер
Марий Эл Радио

Троллейбусышто да автобусышто кайымылан ак кӱзен

  • Дата: 14:07, 10-01-2024
  • Просмотров: 273

Троллейбусышто да автобусышто кайымылан ак кӱзен. Банк карте дене тÿлаш гын, билет ак шулдырак лектеш. 1 январь гыч троллейбуслан ак 3 теҥгелан кÿзен. Ынде транспортышто кудалыштмылан да багажлан 29 теҥгем тÿлыман. Банк карте дене тÿлаш гын, билет ак 26 теҥге. Кодшо ийын троллейбусышто кудалыштымлан ак 2 гана вашталтын, 1 март гыч 24 теҥге лийын, а 1 июль гыч ‒ 26 теҥге, тыгодым банк карте дене 23 теҥгем веле шоген.


Марий Эл Радио

Январь гыч пашадыме пенсионер-влакын пенсийышт 7,7 процентлан кугемын

  • Дата: 16:45, 9-01-2024
  • Просмотров: 342
Январь гыч пашадыме пенсионер-влакын пенсийышт 7,7 процентлан кугемын. Марий Элыште тиде 150 тӱжемат145 еҥын, палдара Россий социал фондын регионысо пӧлкаже.  Кажне пенсионерын пенсийже тӱрлӧ кугытлан ешаралтын, тыгодым пенсий, кокла шот дене, 19 тӱжемат 500 теҥгешке шуэш. Чыла тиде йодмашым пуыде эртен. Марий Элыште илыше-влаклан нигушко нимом возаш коштман огыл. 

Марий Эл Радио

«Культура» нацпроект дене кодшо ийын Марий Элысе книгагудылашке 7 тӱжем утла книгам налыныт

  • Дата: 16:35, 9-01-2024
  • Просмотров: 246

«Культура» нацпроект дене кодшо ийын Марий Элысе книгагудылашке 7 тӱжем утла книгам налыныт. Фонд-влакым пойдараш 3 миллион утла теҥге ойыралтын. Тидын дене пырля Марий Элысе библиотеке-влак федерал проект дене ешарен 3 миллион теҥге субсидийым налыныт. Тудын дене 8 тӱжем утла книгам уэмденыт, ты радамыште утларакше сылнымутан да шанче литератур. Книгам 212 библиотекышке колтеныт, тушечын 185-ше ‒ ялысе книгагудо. 2020 ий гыч «Тӱвыра» нацпроект дене Марий Элыште 8 библиотекым модельный семын уэмденыт. Тушко утларак еҥ-влак кошташ тӱҥалыныт. 


Марий Эл Радио

Догазификаций дене пашам теният шуят

  • Дата: 16:32, 9-01-2024
  • Просмотров: 269

Догазификаций дене пашам теният шуят. Кодшо ийын Марий Эл Республикыште илыше-влак дечын догазификаций программе дене 6630 йодмаш пурен. Тышечын 4500 пӧртышкӧ канде тулым пуртен шуктеныт. Тидын дене пырля 6 социал учрежденийышке газ толын: тиде Морко, У Торъял, Курыкмарий да Оршанка районлаште кум школ да 3 ФАП-ышке. Тидын дене пырля республикыште «Газоснабжений да газификаций» программе дене паша шуйна. Советский, Оршанка, У Торъялыште газ пучым чоҥен шуктен, канде тулым пуртеныт. Морко районышто 24 метр кужытан газ пучым чоҥаш тӱҥалыныт. Тиде пашам тений шуят.


Марий Эл Радио

Сарзе операцийын ветеранже-влак у профессийым налын кертыт

  • Дата: 15:33, 15-11-2023
  • Просмотров: 1 244
Сарзе операцийын ветеранже-влак у профессийым налын кертыт. «Защитники Отечества» фонд дене Кÿшыл образований да шанче министерстве посна платформым почыныт. ВУЗ-ыш тунемаш пураш але переподготовкым эрташ йодмашым социал координатор-влак гоч колташ лиеш. Фондысо наблюдательный советын пашаче группыжо кажне йодышым рашемдаш тÿҥалеш. Пашаче группым Российысе кÿшыл образований да шанче министр Валерий Фальков вуйлата. Спецоперацийыште лийше ветеран-влаклан пашам мумо шотыштат полышым пуат. Тыгак тунемме да пашавер шотышто йодыш дене ÿмыр лугыч лийше боец-влакын лишыл еҥышт толын кертыт.

Марий Эл Радио

Морко районысо Арын селаште водоснабжений объектым чоҥен шуктеныт

  • Дата: 15:31, 15-11-2023
  • Просмотров: 1 222
Морко районысо Арын селаште водоснабжений объектым чоҥен шуктеныт. Монтажым «Илымвер да оласе среда» нацпроектын «Яндар вӱд» регионысо проектше дене келшышын ыштеныт. Подрядчик пожарный резервуарым ыштен, вӱд тавым келыштарен, тыгак 5 километр кужытышто вӱд пучым чоҥен. Чылаже 25 миллион теҥге ойыралтын. 400 утла еҥын суртышкыжӧ вӱд пуч дене толаш тӱҥалын, яндаррак лийын.

Марий Эл Радио

У Торъял районысо икмыняр ялышке канде тул толын

  • Дата: 15:29, 15-11-2023
  • Просмотров: 1 228
У Торъял районысо икмыняр ялышке теле вашеш канде тул толын. Кугу Вӱръялыште газым пайремлын чӱктеныт. Еҥ-влакым куан тат дене регион вуйлатыше Юрий Зайцев саламлен. Ты районысо куд ялышке канде тулым пуртеныт: Васлисола ден Эҥерӱмбал, Кӱанпамаш, Пектансола, Изи да Кугу Вӱръялышке. Чылаже 162 пӧртышкӧ газым пурташ йӧн лектын. Тидлан 22 километр газ пучым да 11 километр распределительный сетьым шупшыныт. Еҥ-влаклан догазификаций дене документым ышташ йӧнанрак лийже манын, ялышке мобильный офис толын коштын, тыгак тушто ял калык оборудованийымат налын кертын.

Марий Эл Радио

Доброволец-спецоперацийын участникше-влаклан Марий Элыште 250 тӱжем теҥгем тӱлаш тӱҥалыт

  • Дата: 15:27, 15-11-2023
  • Просмотров: 1 143
Доброволец-спецоперацийын участникше-влаклан Марий Элыште 250 тӱжем теҥгем тӱлаш тӱҥалыт. Ик гана ойырымо окса кугытым кок пачашат пелылан кугемденыт. Тидын шотышто Указышке кидпалыжым Марий Эл вуйлатыше Юрий Зайцев пыштен. Ты марте доброволец-влаклан ик гана 100 тӱжем теҥгем ойыреныт. Документ дене келышын, тений 1 сентябрь гыч вооруженный вийыште службым эртыме нерген контрактым ыштымеке, республикысе бюджет гыч ик гана тыгай кугытан оксам ойырат.

Марий Эл Радио

Морко районышто Ировка эҥер гоч «Кокрем ‒ Петровское» корнышто кӱварым чоҥен шуктат

  • Дата: 15:24, 15-11-2023
  • Просмотров: 1 252
Морко районышто Ировка эҥер гоч «Кокрем ‒ Петровское» корнышто кӱварым чоҥен шуктат. Пашам «Лӱдыкшыдымӧ сай качестван корно» нацпроект дене келшышын ыштат. Тошто пу кӱварым 1963 ийшыте чоҥеныт, тудо кугу машина-влакын нелытыштым чытен кертын огыл. Тиде кӱвар кундемым райрӱдӧ дене уша. Садланак тудым ял калык шукертак вучен. Кӱварым ноябрьыште чоҥен шуктышаш улыт, но экспулатацийышке 2024 ийыште сдатлат. Кызыт жаплан келыштарыме кӱварым рончат, кӱвар тӱрым шотышко кондат. Чоҥымо годым пӱртӱслан кондымо эҥгекым сулаш, эҥерышке 5800 колигым колтеныт.

Марий Эл Радио

Козьмодемьянскыште чоҥымо причал кумдыкышко стерлядьын 26 тӱжем колигыжым колтеныт

  • Дата: 16:27, 13-11-2023
  • Просмотров: 1 221
Козьмодемьянскыште чоҥымо причал кумдыкышко стерлядьын 26 тӱжем колигыжым Россий законодательствын йодмашыже дене колтеныт. Объектым чоҥымо годым пӱртӱслан эҥгек ышталтеш, кол мыняр гынат пытен кертеш. Тидым шотышко налын, чоҥышо организаций колигым колтышаш. Козьмодемьянск олан мэрже шке социал тӱшкаштыже возен, причал пырдыжым чоҥымо паша мучашышке лишемеш. Тудым ыштымеке, турист-влакат шукырак толын кертыт, тыгак транспорт инфраструктурыланат пайда лиеш.