Баннер
Марий Эл Радио

Медведево районысо Руш Кукмор ялыште капитальный ремонт деч вара тӱвыра пӧрт пашам ышташ тӱҥалын

  • Дата: 14:43, 21-11-2022
  • Просмотров: 291

Медведево районысо Руш Кукмор ялыште капитальный ремонт деч вара тӱвыра пӧрт пашам ышташ тӱҥалын. Кеҥеж мучко тыште леведышым да окнам вашталтеныт, кӱварым, пырдыжым, тувырашым шотыш конденыт, тыгак чыла инженер да коммуникаций вотым шотыш конденыт.


Марий Эл Радио

Композитор ушемын у вуйлатышыжым ойыреныт

  • Дата: 14:42, 21-11-2022
  • Просмотров: 317

Композитор ушемын у вуйлатышыжым ойыреныт. Ты пашам самырык семмастар Эрик Сапаев лӱмеш опер да балет театрын тӱҥ дирижержо Григорий Архиповлан ӱшаненыт. Григорий Вячеславович Российысе да Марий Элысе семмастар-влакын радамышкышт 2010 ийыште ушнен. Пашам ыштыме жапыште тудо камерно-инструментальный, вокальный да симфонический музыкын тӱрлӧ жанрже дене произведений-влакым, ятыр спектакльлан семым возен.  Палемдыман, кызыт ушемыште – куд композитор – Виталий Алексеев, Григорий Архипов, Элина Архипова, Вениамин Захаров, Анатолий Незнакин, Анатолий Тихомиров  да вич музыковед улыт. 


Марий Эл Радио

Марий Элыште класс вуйлатыше-влакын ассоциацийыштым ышташ

  • Дата: 14:41, 21-11-2022
  • Просмотров: 297

Марий Элыште класс вуйлатыше-влакын ассоциацийыштым ышташ. Тыгай темлымаш дене  Российысе форумышко ушнышо  класс вуйлатыше-влак лектыныт. Марий Эл гыч 8 педагог шукерте огыл класс вуйлатыше-влакын российысе форумыштыжо лийын. Тушко миен коштмо нерген нуно туныктыш министрын пашажым шуктышо Лариса Ревуцкая дене йыргешке ӱстел йыр каҥашеныт.


Марий Эл Радио

Российыште илыше калык-влакын тӱвыра поянлыкыштын идалыкышт нерген возышо, ойлышо, ончыктышо журналист-влакын пашаштым иктешленыт

  • Дата: 15:30, 15-11-2022
  • Просмотров: 431

Российыште илыше калык-влакын тӱвыра поянлыкыштын идалыкышт нерген возышо, ойлышо, ончыктышо журналист-влакын пашаштым иктешленыт. Конкурсым тӱвыра, печать да калык-влакын пашашт шотышто министерстве эртарен. Сеҥыше-влакым тӱрлӧ номинацийыште ойыреныт. Тушто «МЭТР» телеканалын икмыняр пашаже сеҥыше-влак радамышке лектын.  Тиде,  Лира Матвееван -  Виталий Кудрявцев дене интервьюжо, Эльвира Рыжован «Пеледыш айо» пайрем гыч репортажше, Вера Горохован - «Кундыш кугыза» нерген сюжетше. Тыгак Мария Шавкунован, Дмитрий Никитинын пашаштым сайлан шотленыт. «Радиошто эн сай паша» номнацийыште «Марий Эл Радио» гыч Марина Глушковам палемденыт. Конкурсышко 40 утла паша пурен. Сеҥыше-влак радамыште районысо да республикысе газет да моло СМИ-влакат улыт. 


Марий Эл Радио

Самырык еҥ-влакым шанче пашалан кумылаҥдат

  • Дата: 15:29, 15-11-2022
  • Просмотров: 491

Самырык еҥ-влакым шанче пашалан кумылаҥдат. Марий Элыште «Изирак Евсеевский лудмаш» конференций эртен. Тушко 11 гыч 18 ияш марте школышто да СУЗ-ышто тунемше 30 утла ӱдыр-рвезе ушнен. Самырык шымлызе-влак шке туныктышышт дене пырля экологий, историй да туризм дене кылдалтше пӱсын шогышо йодыш-влакым лончыленыт. Нунын пашаштым кум секцийыште акленыт.


Марий Эл Радио

Саранск олаште Российысе финно-угор калык-влакын интеллектуал усталык фестивальышт эртаралтын

  • Дата: 15:29, 15-11-2022
  • Просмотров: 467

Саранск олаште Российысе финно-угор калык-влакын интеллектуал усталык фестивальышт эртаралтын.   Тушто тӱрлӧ кундемла гыч автор-влак икмыняр секцийыште возымо да кусарыме паша шотышто мастарлыкыштым шуареныт. Фестиваль Российын 15 регионжо гыч шочмо йылме дене возышо-влакым чумырен.


Частичная мобилизация / Марий Эл Радио

Марий Эл вуйлатыше специальный военный операцийыште сусыргышо-влаклан носилка-влакым ургышо цехлан ешартыш шийвундым ойыра

  • Дата: 15:28, 15-11-2022
  • Просмотров: 454

Марий Эл вуйлатыше специальный военный операцийыште сусыргышо-влаклан носилка-влакым ургышо цехлан ешартыш шийвундым ойыра. Марий Эл Кугыжаныш погынын депутатше, «Справедливая Россия» партийын регионысо пӧлкан вуйлатышыже Наталия Глущенко производствылан ургымо машина-влакым налаш йодын.  Тудо «Золотые руки ангела» мер ушемын регионысо координаторжо.


Марий Эл Радио

Правительствым да тудын коллегийжым пеҥгыдемдыме

  • Дата: 15:19, 15-11-2022
  • Просмотров: 451

Правительствым да тудын коллегийжым пеҥгыдемдыме. Тидын шотышто Указышке кидпалыжым Юрий Зайцев пыштен. А Марий Эл Кугыжаныш Погынын сессийыштыже депутат-влак тудым сайлан шотленыт. Документ дене келшышын, регионысо правительствышке – Правительстве председатель, тыгак тудын кок икымше алмаштышыже, кум алмаштышыже, министр-влак да Марий Эл вуйлатышын администраций вуйлатышыже пурат.


Марий Эл Радио

Тазалык дене эмганыше-шамыч спорт дене кылым кучат

  • Дата: 15:18, 15-11-2022
  • Просмотров: 439

Тазалык дене эмганыше-шамыч спорт дене кылым кучат. Сочи олаште  мини-футбол дене  инвалид-влак коклаште «Стальная воля» Российысе таҥасымаш эртен. Марий Элын командыже-влак сеҥыше радамыш логалыныт. Начарын ужшо-влак мини-футбол дене модыныт.   Пӧръеҥ команде 7 лийын.   Ӱдырамаш-влак коклаште ныл команде таҥасен. Пӧръеҥ-влак коклаштат, ӱдырамаш коклаштат Марий Эл гыч команде-влак кумшо верышке лектыныт. 


Марий Эл Радио

Корно правилым эскераш тений 27 видеокамерым вераҥденыт

  • Дата: 15:17, 15-11-2022
  • Просмотров: 304

Корно правилым эскераш тений 27 видеокамерым вераҥденыт. Камер-влак посна лӱдыкшым кондышо кумдыклаште пашам ыштат. Теве мутлан,  Шернур трактын 64 километрыштыже сакеныт. Тыгак Йошкар-Олаште Строитель-влак урем дене 13-шо пӧрт воктенсе кумдыкышто камерым вераҥдыме. Тылеч посна тыгай верлаште корно знак-шамычым шогалтыме да келшыше разметкым ыштыме. Мут толмашеш, кодшо ийын республике мучко 25 видеокамере ешаралтын.