Тудым 7,3% ешарат. Икымше йочалан тудын кугытшо ‒ 676 тӱжем теҥге, кокымшылан 893 тӱжем теҥге лиеш. Тидын нерген ТАСС увертара. Ава капиталын кугытшым вес ийлан акым шотыш налын ешарат.
Кугу Кугланур да Кугу Ӧрша тӱвыра пӧрт-влакым «Культура» нацпроект дене тӧрленыт. Тиде объектлаште леведышым вашталтеныт, кӧргӧ отделкым ыштеныт, окнам, электровоштырым уэмденыт, пожар сигнализацийым келыштареныт. Учреждений-влакым тӧрлаш 13 миллион теҥге ойыралтын.
Мемнан республике 2025 ий гыч «Инфрастуктура для жизни» национальный проектын 9 федерал проектшым илышыш пурташ тӱҥалеш.
Тидын лӱмеш кумдыкышто канде кожым шынденыт. Йоча да кугыеҥ-влак чылаже 100 утла изи пушеҥгым вераҥденыт. Тыгак программыште усталык коллектив-влак мастарлыкыштым ончыктеныт.
Пашам «Лӱдыкшыдымӧ сай качестван корно» нацпроект дене шуктымо. Корнышто тошто асфальтым фреза дене кораҥденыт, у асфальтым кок лончо дене шареныт, тыгак тротуарым уэмденыт, корно тӱрысӧ кӱм вераҥденыт. Тиде уремыште ятыр социал объект: йочасад, школ, бассейн, йоча усталык пӧрт улыт. Корным 590 метр кужытышто тӧрленыт. Тений поселкышто тыгак Медведево уремым тӧрлат.
Нуно интернетыште марий йылмым вияҥдыме шотышто мутланеныт. Тиде компаний дене вашкыл 2016 ийыште тӱҥалын.
Тушто кидпашам ышташ, пырля чумыргаш да тӱрлӧ вашлиймашым эртараш вер уло. Кидмастар-влак тиде рӱдерым почмо годым шке пашаштым ончыктеныт: пидме шовыч, тӱрлымӧ вургем, йоча модыш да молат. Коллектив-влакат чолгалыкыштым аклаш темленыт. Каласыман, кугурак тукымлан вашкылым ышташ полшышо рӱдер Марий Элыште тачысе кечын 7 уло.
