Заседанийыште регион вуйлатыше Юрий Зайцев лийын. Вич ийыште Кугыжаныш Погын 49 заседанийым эртарен, тушто 336 республикысе законым пеҥгыдемденыт. Пытартыш 5 ий куштылго лийын огыл: COVID-19 пандемий, специальный военный операций, элын экономический системым у семын чоҥымаш, Конституцийышке ешартышым пуртымаш, Россий Президент да Марий Элын вуйлатышыжым сайлымаш.
Тудым икмыняр тылзе «Культура» нацпроект дене тӧрленыт. Морко районышто илыше-влакым курымаш лӱмгече дене саламлыме годым Марий Элын вуйлатышыже Юрий Зайцев тушто шуктымо пашам аклен. Тоштерын директоржо Марина Александрова палемден, нацпроект дене тоштерым кӧргӧ гычат, тӱжвачынат уэмденыт. Тушто газовый котелым, вӱд пучым да канализацийым вашталтеныт, видеоэскерымаш системым ыштеныт, пандусым йӧнештареныт.
Марий Эл Виктер вуйлатышын алмаштышыже- тӱвыра, печать да калык-влакын пашашт шотышто министр Константин Иванов палемден, тений нацпроект дене кум тоштерыште экспозицийым вашталтеныт. Тиде паша ончыкыжымат шуйна.
М.Янтемир лӱмеш тоштерым 1994 ийыште почыныт. Кызыт фондышто 5 тӱжемат 600 утла экспонат аралалтеш. Тоштерышке кажне ийын 5 тӱжем утла еҥ толеш.
Республикысе эрвел районышто илыше-влакым Марий Элын вуйлатышыже Юрий Зайцев саламлен. Лӱмгече вашеш «Марий Турек районын историйже» информаций стенд-влакым ямдыленыт, тыгак фотоконкурсышто сеҥыше-влакын пашаштым выставкыште ончыктеныт.
Марий Турек районышто ялозанлык вияҥеш, изи да кокла бизнес пашам ышта. Районышто марий, руш, татар да удмурт-влак пырля келшен илат. Кажне калык шке тӱвыражым арала.
Регион вуйлатыше палемден, кундемыште ялышке да селалашке газым пуртат, корным чоҥат, школ да йочасадым тӧрлат, медицин рӱдерым ыштат. Юрий Зайцев Марий Элын Чап грамотыжо дене ойыртемалтше еҥ-влакым саламлен.
Кугу Кожлаялыште газ пучым пашашке колтеныт. Марий Элын вуйлатышыже Юрий Зайцев тиде мероприятийыш ушнен. 25 километр кужытан газ пучым Марий Эл Республикын газоснабжений да газификацийым вияҥдыме программыже дене чоҥеныт. Тудым ыштен шуктымеке, Рушродо, Нуръял, Кугу Кожлаял, Изи Кожлаял, Нӧрепсола, Чишкан, Волаксола, Чодырасола, Пумыр яллашке да Зеленгорск поселкышко газым пуртеныт.
Регион вуйлатышын палемдымыже дене, Марий Эл ‒ тачысе кечын газификаций дене элыште кумшо верыште. Республикыште газификаций 88 % шуэш.
Тиде шонымаш кок ий ончыч Моркышто миссионер съездым эртарыме годым шочын. Кодшо ийын храм ончылно верым тӱзатеныт, а тений той гыч памятникым левыктен вераҥденыт. Тудо 400 килограмм нелытан, кӱкшытшӧ кок метрат пеле.
Памятникым скульптор Россий сӱретче ушемын еҥже, Илья Глазунов лӱмеш академийын доцентше Илья Дюков ыштен. Постаментыште тыге возымо: «Мый марий йочам пагаленам, чот йӧратенам, нуным туныкташ уло ӱмырем пуэнам».
Марий Эл виктер вуйлатышын алмаштышыже ‒ тӱвыра, печать да калык-влакын пашашт шотышто министр Константин Иванов сымыктыш да художественный школлаште тыршыше педагог-влакын августысо конференцийыштышт тыгай темлымаш дене лектын.
Тений конкурсышто икмыняр туныктышо сеҥен. Тиде ‒ Юбилейный сымыктыш школышто пашам ыштыше Ольга Васильева, Йошкар-Оласе 6-шо номеран школ гыч Эльвира Егорова, рӱдоласе 1-ше номеран художественный школышто пашам ыштыше Владимир Мамаев, Волжск оласе сымыктыш школ гыч Дарья Тургенева, Морко йоча сымыктыш школ гыч Римма Яковлева, И.Палантай лӱмеш тӱвыра да сымыктыш колледж гыч Надежда Лукиянова да Людмила Черновская, Йошкар-Оласе художественный училище гыч Татьяна Сагельдина.
Тиде ‒ тений кандаш тылзын летышыже. Тидым MediaHills компанийын директоржо Андрей Бояринов Москваште эртаралтше НАТ тӱнямбал конгрессыште каласен. «МЭТР» телеканал увер программым ончыктышо да аудиторийым авалтыме шот дене 4-ше верыш лектын. Аудиторийым тичмаш авалтыме шот дене МЭТР 10 эн сай канал коклаш логалын. Регионысо канал тушто кудымшо верым налын. Тудын ончылныжо Башкортостанын, Хабаровскын, Челябинскын, Омскын, Йӱдвел Осетийын телеканалже улыт. Шке ямдылыме программым ончымо шот дене МЭТР – 7-ше верыште.
3-5 октябрьыште калык вургемын негызшылан пӧлеклалтше регион-влак кокласе шанче-практик конференций, Россий кӱкшытан «Калык вургем пайрем унала ӱжеш» конкурс, кид дене ыштыме курчак ончер, усталык лабораторий, этноблогер-влакын мастерскойышт, фотопленэр ден ончер эртаралтыт. Ты конкурсышто икмыняр номинаций лиеш.
Тушко Марий Элын вуйлатышыже Юрий Зайцев миен. Виктер вуйлатышын икымше алмаштышыже – тӱвыра, печать да калык-влакын пашашт шотышто министр Константин Иванов ыштыме паша нерген ойлен.
