Пашам «Лӱдыкшыдымӧ сай качестван корно» нацпроект дене шуктымо. Корнышто тошто асфальтым фреза дене кораҥденыт, у асфальтым кок лончо дене шареныт, тыгак тротуарым уэмденыт, корно тӱрысӧ кӱм вераҥденыт. Тиде уремыште ятыр социал объект: йочасад, школ, бассейн, йоча усталык пӧрт улыт. Корным 590 метр кужытышто тӧрленыт. Тений поселкышто тыгак Медведево уремым тӧрлат. 

Нуно интернетыште марий йылмым вияҥдыме шотышто мутланеныт. Тиде компаний дене вашкыл 2016 ийыште тӱҥалын.

Тушто кидпашам ышташ, пырля чумыргаш да тӱрлӧ вашлиймашым эртараш вер уло.   Кидмастар-влак тиде рӱдерым почмо годым шке пашаштым ончыктеныт: пидме шовыч, тӱрлымӧ вургем, йоча модыш да молат. Коллектив-влакат чолгалыкыштым аклаш темленыт. Каласыман, кугурак тукымлан вашкылым ышташ полшышо рӱдер Марий Элыште тачысе кечын 7 уло.

Тидлан Марий Элын Спорт да туризм министерствыже да Российын ик эн кугу круиз компаний да круиз линий-влакын «Водоход» операторжо келшымашым ыштеныт. Тудын вашеш пресс-конференций лийын. Тушко Федераций Советыште Марий Элын сенаторжо Константин Косачев ушнен. Тудын палемдымыже дене, республикыште ятыр жап причал пырдыж, дебаркадер лийын огытыл. Тений Козьмодемьянскыште причал пырдыжым ыштен шуктеныт. Тиде пашам республикын социал-экономике могырым вияҥмаш шотышто индивидуальный программе дене ыштеныт. Республикыште эше ныл причалым ыштышаш улыт: Юрино да Кокшайскыште паша тӱҥалын, а Звенигово да Волжскышто тиде ‒ лишыл ийласе план.