Марий Эл Радио

7 апрель гыч 6 май марте республикысе корнылаште шошым чот неле транспортлан эрташ чарат

  • Дата: 17:08, 28-02-2023
  • Просмотров: 304

7 апрель гыч 6 май марте  республикысе корнылаште шошым чот неле транспортлан эрташ чарат. Тидын шотышто постановлений 22 февральыште лектын. Тыгай чарымаш кажне ийын корным аралаш пурталтеш. Ик осян грузовой транспортын нелытше 6 тонн, кок осян 5 тоннан автотранспортлан, тыгак кум осян да 4 тонн нелытан транспорт южо корно дене спецразрешений дене веле эртен кертеш. Еҥ-влакым шупшыктышо автобус, ӱяҥдышым да вольыклан кургым кондыштарыше транспорт, корным чоҥышо технике, шӱкым лукшо, кочкыш сатум наҥгайыше транспорт ончычсо семынак кеч-могай корно денат эртен кертеш. 


Марий Эл Радио

Йошкар-Оласе 19-ше номеран школышто «Благодарю за службу» документальный фильмым ончыктеныт

  • Дата: 17:07, 28-02-2023
  • Просмотров: 314

Йошкар-Оласе 19-ше номеран школышто «Благодарю за службу» документальный фильмым ончыктеныт.  Тудо СССР жапыште, Кугу Ачамланде сар годым, нацист-влакын преступленийыштым почын ончыкта. Ты фильмым «Без срока давности» шанче-просветительский проект кышкарыште писатель, спецслужбо-влакын историкше Николай Лузан да ГТРК «Марий Эл» гыч коллегына-влак ямдыленыт. Документальный фильмын негызше - немыч капитан Вальтер Георг Витцель дене кылдалтше рассекреченный материал-влак. Лач тудын приказше дене Орёл олаште илышлан кӱлешан инфраструктурым пудештареныт.



Марий Эл Радио

Тений республикыште «Земский врач» да «Земский фельдшер» программылан 35 миллион наре теҥгем ойырат

  • Дата: 17:05, 28-02-2023
  • Просмотров: 292

Тений республикыште «Земский врач» да «Земский фельдшер» программылан 35 миллион наре теҥгем ойырат. План дене 27 специалист дене ойпидышым ыштышаш улыт, 14 медицин пашаеҥ тора яллашке кая. Тений программышке пуртымо вашталтыш дене, врачебный амбулаторийышке пашашке толшо фольдшер, акушер да медшӱжар-влакат «Земский доктор да фельдшер» лийын кертыт. Тачысе кечын Юрино районысо эмлымверыште вакансий-влак улыт. Тушко пашашке толшо врачлан 1 миллионат 500 тӱжем теҥгем, а кокла медицин персоналлан 750 тӱжем теҥгем ойырат. Тазалыкаралтыш министерствыште палдарат: врачлан илымверым пуат. 


Марий Эл Радио

Т. Евсеев лӱмеш Калыкле тоштерыше «Марий краеведений: таче да эрла» регион-влак кӱкшытан конференций эртен

  • Дата: 17:02, 28-02-2023
  • Просмотров: 327

Туныктышо, воспитатель, педагог-библиотекарь да науко пашаеҥ-влак ик верыш погыненыт. 50 утла еҥым Т. Евсеев лӱмеш Калыкле тоштер чумырен. Амалже – «Марий краеведений: таче да эрла» регион-влак кӱкшытан конференций лийын. Тений тудо 29-ше гана эртен. Марий Эл деч посна Татарстан, Чуваший республикысе йоча сад да школла гыч туныктышо-влак ушненыт. Туныктышо да воспитатель-влакын вашлиймашышт – туныктышо да педагогын идалыкше кышкарыште палемдыме ик эн кугу конференций. Тудын негызеш, паша-влакым посна сборник дене савыктат.


Марий Эл Радио

Кумдыкым тӱзатыме паша умбакыже шуйна

  • Дата: 17:00, 28-02-2023
  • Просмотров: 283

Йошкар-Олаште калыкын тӱшкан коштмо верым тӱзатыме шотышто темлымашым рӱдӧ олан администрацийыштыже 17 март марте погат. Эн шуко йӱкым погышо верлам 2024 ийыште сылнештараш тӱҥалыт. Ты сомыл федерал проект полшымо дене шукталтеш. Темлымаш-влакым кажне паша кечын администрацийыш намиен пуаш але электрон йӧн дене колташ лиеш. Серышыште лӱмым палемдыман, тыгак темлыме кумдыкын адресшым возыман.

 

Марий Эл Радио

Специальный военный операцийыште улшо-влаклан чумыр калык рӱж полшаш ушнен

  • Дата: 16:55, 28-02-2023
  • Просмотров: 261

Специальный военный операцийыште улшо-влаклан чумыр калык рӱж полшаш ушнен. Кажне районышто кугырак ийготан-влакат, самырык-влакат тиде пашам шуктат: кӧ гуманитар полышым чумыра, кӧ кидпаша дене  носилкам, вургемым  урга.


Марий Эл Радио

Черетан полышым колтеныт

  • Дата: 16:48, 28-02-2023
  • Просмотров: 268

«Арена Марий Эл» манеж воктечын черетан партий гумантир груз специальный военный операцийыште улшо-влаклан каен. Тушто тӱҥ шотышто пиламатериал-влак. Нуным чодыра арендатор-влак чумыреныт. А тиде 80 наре куб. Тудым специальный военный операцийыште улшо-влак блиндажым, окопым ышташ да моло кӱлешлыклан кучылташ тӱҥалыт. Гуманитар полыш радамыште тыгак коҥга да генератор-влакат улыт. Ешарен кодаш лиеш, 23 февраль вашеш республике гыч кугу партий полышым колтеныт, тушто автомашина-влак да моло кӱлешан пого лийын. Март тылзыште район, республик правительствын чумырымо черетан полышым спецоперацийышке марий кундем гыч тушто улшо-влаклан колтат.  


Марий Эл Радио

Волжск олаште шуко шочшан еш-влаклан ойырымо мланде участкышке газпучым шупшыныт

  • Дата: 16:31, 27-02-2023
  • Просмотров: 272

Волжск олаште шуко шочшан еш-влаклан ойырымо мланде участкышке газпучым шупшыныт. Газпучым вич уремышке пуртеныт, кызытеш 112 мланде участкыште канде тулым чӱкташ ямдылыме. Ты паша яра ышталтын. Умбакыже газ оборудованийым налын, участкыште газым мланде оза-влак шке кӱшеш ыштышаш улыт. Мут толмашеш, шукерте огыл тыгаяк программе дене Шоя-Кузнецово селаште илыше шуко шочшан еш-влаклан газым пуртеныт.

 

Марий Эл Радио

Январь тылзыште мемнан кундемыште йӧнозанлык производство южо показатель дене ончыко каен

  • Дата: 16:28, 27-02-2023
  • Просмотров: 309

Январь тылзыште мемнан кундемыште йӧнозанлык производство южо показатель дене ончыко каен. Тидын радамыште ошмам ыштен лукмаште. Тиде данный дене Маристат йӧнозанлык производствын лектышыжым шымлен, палдара. Обрабатывающий производствышто напиткым 2 пачаш утларак лукташ тӱҥалыныт.


Марий Эл Радио

Россий Президент Владимир Путин Федеральный Собранийлан Посланийжым ойлен

  • Дата: 15:54, 21-02-2023
  • Просмотров: 337

Россий Президент Владимир Путин Федеральный Собранийлан Посланийжым ойлен. Президент элын вияҥме корныжо, тыгак спецопераций нерген каласен, доброволец, мобилизованный, сарзыеҥ, федерал орган-влакын пашаеҥыштлан тауштен. Российыште СВО-н участникше да нунын ешыштлан полшышо фондым ыштат.