Марий Эл да Белоруссий келшымаш кылым утыр пеҥгыдемдат. Тиде кечылаште регион вуйлатыше Юрий зайцев Озаҥ олаште Белорусий посольство пӧлкан вуйлатышыже Виктор Щетько дене вашлийын. Юрий Викторович палемден: мемнан республикына ятыр йот эл дене ужалме-налме, экономикым вияҥдыме, тыгак тӱвыра кылым чоҥа. А Белоруссий дене гын тыгак шанче-шымлымаш паша сайын шукталтеш.

Марий Эл гыч частичный мобилизацийыш логалше-влаклан Калык фронтын «Всё для Победы» сайтше гоч полшаш лиеш. Тыште лÿмын куар-кодым вераҥдыме. Тудын полшымо дене йӧн да кумыл дене келшышын шийвундым колтен кертыда. 

Марий Эл Республикын вуйлатышыже Юрий Зайцевын у кӱштыкшӧ дене кундемыштына исполнительный кучемыште вашталтыш-влак улыт. 26 октябрьыште лукмо у кӱштык почеш, икмыняр министерстве шке лӱмжым вашталтен, икмыняр департамент министерстве дек ушнен. 

Марий Эл вуйлатыше Юрий Зайцев общественный транспорт-влакын чотыштым да коштмо графикыштым тергаш кӱштен. Пытартыш жапыште социал кыллаште рӱдӧ олаштына кас жапыште маршрут автобус да троллейбус-влак пеш шуэн коштыт манын чӱчкыдынрак вуйым шияш тӱҥалыныт. Вуйлатыше дене черетан погынымашыште калыкым тургыжландарыше йодыш-влак кокла гыч ик эн пӱсыжӧ тиде лийын.

Марий Эл гыч сувенир-влак Россий кÿкшытысö сувенир конкурсын финалышкыже логалыныт. Урал да Юл кундем федерал округ-влакын лончышт Екатеринбург олаште эртен. «Турист сувенир» конкурсын ты этапыштыже «Олан турист сувенирже-влак» номинацийыште Зениговысо калык усталык пӧртын кидмастарже Надежда Майкован ыштыме курчакше-влак икымше верым айленыт. 

Эртыше 5 ийым иктешленыт. Йошкар-Олаште тӱвыра, печать да калык-влакын пашашт шотышто министерстве черетан коллегийым эртарен. Пытартыш жапыште ты министерстве дене кылдалтше виктыш-влак койынак вияҥыныт. «Культура» нацпроект полшымо дене районласе тӱвыра пӧрт-влакым тачысе илышлан келыштареныт, а книгагудо-влаклан у сыным пуэныт. 

Марий Эл вуйлатыше Юрий Зайцев республикыштына частичный мобилизацийым эртарыме шотышто чумырымо оператив штаб дене вашлийын. Тыште кундемна мучко чыла предприятий, ведомство да граждан-влакын кеч-моагй лӱдыкшылан ямде улмо шотышто каҥашеныт.